МІНСК, 5 лют - Sputnik. Этычны кодэкс педагога будзе апублікаваў для абмеркавання ў бліжэйшы час, заявіў журналістам міністр адукацыі Беларусі Ігар Карпенка.
Гучны скандал адбыўся ў студзені ў адной з Гомельскіх школ: у выніку канфлікту педагог нанёс траўму дзіцяці - у вучня аказалася пашкоджана вуха.
"Мы распрацавалі этычны кодэкс педагога. Гэта дакумент, які ў бліжэйшы час будзе апублікаваны для абмеркавання", - заявіў Карпенка журналістам у сераду.
Па словах міністра, падобныя выпадкі "ў чарговы раз кажуць нам пра тое, што трэба некаторым педагогам нагадаць іх функцыю, якая звязаная не толькі з выкладаннем таго ці іншага прадмета, але і выхаваўчую функцыю, і наогул уплыў асобы педагога на адукацыйны працэс".
Даў параду міністр адукацыі і бацькам, дзеці якіх аказваюцца ў падобных сітуацыях.
"Бацькі павінны звяртацца ў адміністрацыю школы. Школа павінна рэагаваць. Ну гэта тое, што і было ў прынцыпе: бацькі звярнуліся, адпаведная рэакцыя ёсць, праводзіцца службовае расследаванне", - дадаў Карпенка.
Па словах міністра, адпаведныя меры пасля сітуацыі прынятыя.
"Для мяне асоба дзіцяці важней, чым усе праблемы, якія, магчыма, ёсць у канкрэтнага педагога. І давайце скажам шчыра: я прыхільнік таго, каб ніякіх не было формаў гвалту над дзіцем, няхай гэта будзе псіхалагічны, слоўны ці яшчэ які-небудзь", - адзначыў ён.
Міністр падкрэсліў, што алгарытмы для любых сітуацый выпрацаваны. "І трэба сябе стрымліваць, на тое ты і педагог", - сказаў на заканчэнне міністр.
