Тэма Вялікай Айчыннай вайны застаецца святой для чытачоў на постсавецкай прасторы, і гэтую тэму "нельга нікому аддаць", заявіў старшыня Савета дырэктараў газеты "Комсомольская правда", генеральны дырэктар радыёстанцыі "Гаворыць Масква" Уладзімір Мамантаў падчас міжнароднага тэлемосту ў ММПЦ Sputnik.
"Тут вельмі было б нядрэнна выканаць такі баланс. Я б чытаў класікаў - і савецкіх і любых іншых, якія прысвяцілі свае кнігі вайне, у рэшце рэшт, ёсць і амерыканскія пісьменнікі, якія пра Другую сусветную вайну пішуць праўду, пішуць дакладна, і гэта бліскучая літаратура", - сказаў Мамантаў.
Па словах журналіста, сёння важна не забываць вялікіх савецкіх пісьменнікаў, якія ў літаральным сэнсе адкрылі чытачам вочы на падзеі той вайны, і таксама трэба з большай увагай ставіцца да літаратараў, якія працягваюць шукаць новыя веды і сведчанні пра тое, як усё было на самай справе.
"Людзі без сумлення і гонару спрабуюць у нас з вамі ўсё гэта адабраць як у спадчыннікаў. Яны ў нас адымаюць спадчыну нашых бацькоў і кажуць, што мы таксама вінаватыя, як і фашысцкая Германія. Вось з гэтым я не хачу згаджацца - ні з кнігамі, ні з меркаваннем, ні са стаўленнем", - сказаў Мамантаў.
Нагадаем, адкрыццё 27-ай Мінскай міжнароднай кніжнай выставы-кірмашу адбылося ў Мінску напярэдадні, выстава будзе доўжыцца да 9 лютага. На ёй прадстаўлены літаратурныя навінкі з 30 краін блізкага і далёкага замежжа, таксама запланавана правядзенне больш за трыста мерапрыемстваў - сустрэчы з аўтарамі, выдаўцамі, мастакамі, прэзентацыі новых кніг, "круглыя сталы", аўтограф-сесіі. Ганаровым госцем на выставе выступае Расія.
