МІНСК, 11 лют - Sputnik. Мультфільмы вытворчасці кінастудыі "Беларусьфільм" адабраныя ў конкурсную праграму найбуйнейшага фестываля анімацыйнага кіно CAIRO ANIMATION FORUM, які праходзіць у Егіпце.
У конкурсным спісе тры беларускія стужкі – "Як сінячок да сонца лётаў", "Лагодны воўк" і "Лучшее место на свете".
Мультфільм "Як сінячок да сонца лётаў" распавядае пра маленькую смелую птушку, якая адправілася да сонца, каб дапамагчы людзям, у якіх не было агню і запалак. Анімацыя створана па аднаіменнай казцы Уладзіміра Дубоўкі.
Казку "Лагодны воўк" напісала беларуская аўтарка Алена Масла. Замілавальная гісторыя распавядае пра жаласлівага ваўка, які не можа есці жывёл і харчуецца толькі зёлкамі, гарбатай і мёдам. Але зімой голад становіцца невыносным і н вырашае з’есці баранчыка.
![Беларускія мультфільмы ўбачаць у Егіпце Беларускія мультфільмы ўбачаць у Егіпце - Sputnik Беларусь](https://cdnn11.img.sputnik.by/img/104391/64/1043916466_0:0:1422:800_600x0_80_0_0_34520f5570dee1b4c0cdcb4135cf61be.jpg)
У мультфільме "Лучшее место на земле" гледачы ўбачаць маленькае мышанё, якое пачула легенду пра вялізны свіран з зернем адпраўляецца на пошукі гэтага шчасця.
![Беларускія мультфільмы ўбачаць у Егіпце Беларускія мультфільмы ўбачаць у Егіпце - Sputnik Беларусь](https://cdnn11.img.sputnik.by/img/104391/65/1043916510_0:0:1200:853_600x0_80_0_0_b5eb23ffbde2dce23972f21003a6db4d.jpg)
CAIRO ANIMATION FORUM пройдзе з 27 лютага па 5 сакавіка ў Каіры.
Чытайце таксама:
- Карачэўскі: "Беларусьфільм" перажывае няпросты перыяд
- Прэм'ера фільма пра Купалу адкладаецца
- Рэжысёр Уладзімір Янкоўскі: беларусы дрэнна ведаюць сваю гісторыю