Фільм "Аванцюры Пранціша Вырвіча" з’явіцца ў пракаце адразу на дзвюх мовах

© Photo : Кінастудыя "Беларусьфільм"Фільм "Аванцюры Пранціша Вырвіча"
Фільм Аванцюры Пранціша Вырвіча - Sputnik Беларусь
Падпісацца на
НовостиTelegram
Каб паспець зрабіць беларускамоўны пераклад, стваральнікі фільма перанеслі прэм’еру на май гэтага года.

МІНСК, 18 сак - Sputnik. Агульнарэспубліканская прэм’ера фільма "Аванцюры Пранціша Вырвіча" пераносіцца на май, паведамілі Sputnik у прэс-службе кінастудыі "Беларусьфільм".

Аванцюры Пранціша Вырвіча - Sputnik Беларусь
Відэа
З’явіўся трэйлер фільма "Аванцюры Пранціша Вырвіча" – відэа

Шырокаму гледачу стужку павінны былі прадставіць ужо на гэтым тыдні, але стваральнікі вырашылі выпусціць фільм у пракат адразу на дзвюх мовах – рускай і беларускай. Плануецца што другая – беларускамоўная версія – будзе гатовая напрыканцы вясны.

Стужка "Аванцюры Пранціша Вырвіча" знятая па рамане беларускай пісьменніцы Людмілы Рублеўскай. Дзеянні адбываюцца ў XVIII стагоддзі. У цэнтры апавядання – малады шляхціц Пранціш і доктар, алхімік Бутрамей Ляднік, якія трапляюць у барацьбу вакол трона Рэчы Паспалітай.

Здымкі фільма адбываліся ў Нясвіжскім, Мірскім і Лідскім замках, Бабруйску і Мінску. Беларускія майстры адмыслова да здымак стваралі касцюмы. Таксама для праекта па малюнках Леанарда да Вінчы быў створаны знакаміты танк.

Над фільмам працавалі рэжысёр Аляксандр Анісімаў, аўтар сцэнарыя Валянцін Залужны і аператар-пастаноўшчык Дзмітрый Рудзь. Галоўныя ролі выканалі Георгій Пятрэнка, Іван Трус, Віктар Манаеў, Вераніка Пляшкевіч і іншыя.

Чытайце таксама:

Стужка навiн
0