Як адзначыла суразмоўца радыё Sputnik Беларусь, праблема дзіцячага дарожна-транспартнага траўматызму сёння застаецца актуальнай. Ад пачатку 2020 года на тэрыторыі Мінскай вобласці зарэгістравана 19 ДТЗ з удзелам непаўналетніх, траўмы атрымалі ў выніку 20 дзяцей.
"З удзелам дзяцей-пешаходаў зарэгістравана 11 ДТЗ, вялікая частка з якіх адбылася на нерэгулюемых пешаходных пераходах. Але часам бестурботнасць саміх жа дзяцей становіцца прычынай няшчасных выпадкаў на дарозе. Выхад на праезную частку, не пераканаўшыся ў бяспецы, адцягненне, спешка - усе гэтыя дзеянні могуць абярнуцца бядой", - папярэдзіла Сапунова.
Яшчэ адна прычына такіх ДТЗ - недысцыплінаванасць кіроўцаў, дадае яна. А таксама невыкананне патрабаванняў ПДР на нерэгулюемых пешаходных пераходах і нежаданне даць перавагу пешаходам.
"ДАІ нагадвае: паводле ч. 6 артыкула 18.14 КаАП Рэспублікі Беларусь за невыкананне асобай, якая кіравала транспартным сродкам, патрабаванняў дарожных знакаў або разметкі, а роўна не прадастаўленне асобай, якая кіравала транспартным сродкам перавагі ў руху пешаходам надыходзіць адміністрацыйная адказнасць у выглядзе штрафу ў памеры ад адной да пяці базавых велічынь", - нагадала Сапунова.
Але і пешаходы павінны памятаць пра правільныя паводзіны на дарозе: нават маючы перавагу на нерэгуляваным пешаходным пераходзе, варта пераканацца ў адсутнасці транспартных сродкаў, а таксама пераканацца, што кіроўца вас прапускае. І толькі пасля гэтага пераходзіць дарогу.
Каментар старэйшага інспектара аддзялення па агітацыі і прапагандзе ДАІ Мінскай вобласці Ірыны Сапуновай слухайце ў аўдыёзапісы на радыё Sputnik Беларусь.
