МІНСК, 16 кра - Sputnik. Міністэрства аховы здароўя Беларусі прыняло загад, які змяняе парадак аказання меддапамогі некаторым пацыентам з пазабальнічнымі пнеўманіямі і каронавірусам, копія дакумента ёсць у распараджэнні Sputnik.
Загад ад 15 красавіка 2020 года №433 "Аб арганізацыі медыцынскай дапамогі пацыентам з пазабальнічнай пнэўманіяй з няцяжкім цягам, не звязанай з інфекцыяй COVID-19 і пацыентам з інфекцыяй COVID-19 ў амбулаторных умовах" замацоўвае тыя новаўвядзенні ў аказанні дапамогі такім катэгорыям пацыентаў, якія ўжо ўжываліся ў краіне.
Так, у дакуменце паказана, што хворых на пнеўманію лёгкай формы і з бессімптомнай каронавіруснай інфекцыяй накіруюць на лячэнне амбулаторна, то бок дадому.
Да пацыентаў павінны будуць прыходзіць медыкі - да тых, у каго пнеўманія, не радзей за раз у тры дні, а да інфікаваных каронавірусам - тры разы за два тыдні. Медперсанал будзе аглядаць пацыентаў, выдаваць ім лекі і, у выпадку неабходнасці, выклікаць брыгаду для накіравання ў стацыянар.
Таксама медперсанал павінен будзе ўзяць у пацыента распіску аб тым, што ён у курсе важнасці лячэння. Нагадаем, што інфікаваныя COVID-19 таксама абавязаныя знаходзіцца на самаізаляцыі па месцы жыхарства.
Як пазначана ў дакуменце, лячэнне такіх пацыентаў на хаце "зніжае нагрузку на сістэму аховы здароўя пры лячэнні пацыентаў з інфекцыяй COVID-19, стан якіх не патрабуе аказання медыцынскай дапамогі ў бальнічных арганізацыях аховы здароўя".
