"Добрая размова": Пяскоў распавёў падрабязнасці гутаркі Пуціна і Лукашэнкі

© Sputnik / Алексей Дружинин / Перайсці ў медыябанкПрэзідэнт РФ У.Пуцін
Прэзідэнт РФ У.Пуцін - Sputnik Беларусь
Падпісацца на
НовостиTelegram
Як адзначылі ў Крамлі, Пуцін і Лукашэнка не абмяркоўвалі будучы саміт ЕАЭС, які беларускі лідар прапаноўваў зрабіць "вочным".

МІНСК, 6 мая - Sputnik. Прэс-сакратар прэзідэнта Расіі Дзмітрый Пяскоў распавёў падрабязнасці тэлефоннай размовы якая адбылася напярэдадні паміж Уладзімірам Пуціным і Аляксандрам Лукашэнкам.

Сцягі Беларусі і Расіі - Sputnik Беларусь
Лукашэнка і Пуцін абмеркавалі мерапрыемствы з нагоды Дня Перамогі

Прэзідэнты Беларусі і Расіі правялі тэлефонную размову ўвечары ў аўторак. Некаторымі падрабязнасцямі сёння падзяліўся прэс-сакратар расійскага лідара - у прыватнасці, адказаў на пытанне аб тым, ці абмяркоўвалася фармат правядзення саміту ЕАЭС.

"Учора тэма гэтага саміту ў Мінску не абмяркоўвалася. Учора сапраўды абменьваліся інфармацыяй аб прадпрымаемых кроках у Расіі і ў Беларусі па барацьбе з каронавірусам. Уся астатняя інфармацыя - гэта разважанні на вольную тэму, ніякім чынам не адпавядае рэчаіснасці", - сказаў журналістам Пяскоў.

Як нагадаў прэс-сакратар расійскага прэзідэнта, нядаўна кіраўнікі дзяржаў ЕАЭС на відэаканферэнцыі абмяркоўвалі меры па барацьбе з каронавірусам. Цяпер ідзе гаворка пра падрыхтоўку субстантыўных дакументаў да наступнай сустрэчы, удакладніў Пяскоў.

"І потым ужо ў залежнасці ад дынамікі будзе прынята сумеснае рашэнне, ці трэба гэта праводзіць як вочную сустрэчу або можна будзе ў далейшым арганізаваць яшчэ адну відэаканферэнцыю", - растлумачыў ён.

Вайскоўцы ў форме часоў ВАВ на парадзе 3 ліпеня ў Мінску - Sputnik Беларусь
Прэзідэнт Беларусі адрэагаваў на крытыку правядзення парада на 9 мая

Адказаў Пяскоў і на пытанне аб тым, ці ўздымаў Лукашэнка пытанне асвятлення сітуацыі з каронавірусам у Беларусі ў расійскіх СМІ. "Не, гэта не абмяркоўвалася", - сказаў прэс-сакратар прэзідэнта РФ.

Як нагадаў прадстаўнік Крамля, у Расіі ёсць розныя СМІ, "яны часам не зусім адэкватна перадаюць нават тыя меры, якія прымаюцца ў РФ".

"Таму рабіць нейкія абагульняючыя заявы адносна фону асвятлення, напэўна, не зусім карэктна", - падкрэсліў Пяскоў і дадаў, што ў прэзідэнтаў "была субстантыўная, добрая размова".

"Вы ведаеце, што ў нас Саюзная дзяржава і вельмі шмат сумесных пытанняў для супрацоўніцтва, сумесных праблем, якія даводзіцца ў гэтыя дні вырашаць", - дадаў ён.

Стужка навiн
0