МІНСК, 14 мая - Sputnik. Беларусь абагнала Францыю і ўвайшла ў топ-20 краін кантынента па колькасці выпадкаў COVID-19 на мільён насельніцтва, сведчаць дадзеныя партала Worldometers.
Па дадзеных Міністэрства аховы здароўя Беларусі, ну мінулую сераду ў краіне зафіксавана 25825 выпадкаў заражэння каронавірусам.
Калі пералічваць колькасць выяўленых выпадкаў на мільён насельніцтва, то ў Беларусі гэты паказчык будзе роўны 2733. Па захворваннях рэспубліка абагнала Францыю - тут выяўлена 2728 выпадкаў на мільён чалавек.
Па гэтым паказчыку рэспубліка апярэджвае і шэраг іншых краін Еўропы, уключаючы Нідэрланды, Вялікабрытанію, Чэхію і ўсе краіны-суседкі.
Па колькасці выяўленых выпадкаў на мільён Беларусь уваходзіць раніцай у чацвер у топ-20 - з улікам "мікра-дзяржаў", як Фарэрскія астравы або Ватыкан. Без уліку маленькіх краін, рэспубліка можа прэтэндаваць на 10 месца па колькасці выяўленых выпадкаў на мільён.
Варта адзначыць, што гаворка ідзе толькі пра разлік колькасці выпадкаў на мільён. У абсалютных лічбах рэспубліка знаходзіцца ў другой палове "антырэйтынгу".
Пры гэтым колькасць смерцяў на мільён жыхароў у Беларусі - адна з самых нізкіх у Еўропе: усяго 15 выпадкаў на 1000000. Для параўнання: у Францыі паказчык - 415, Іспаніі - 580, а Ірландыі - 303.
Зрэшты, варта ўлічваць, што ва ўсіх краін розная палітыка з тэсціраваннем насельніцтва і рэгістрацыяй выпадкаў каронавіруса, таму наўпрост параўноўваць усе паказчыкі нельга. Некаторыя дзяржавы маюць не вельмі высокі ахоп тэсціраваннем (у Еўропе, напрыклад, у іх лік уваходзяць Украіна, Малдова і Балгарыя), іншыя паказваюць сярод тых, хто захварэў, толькі тых, хто знаходзіцца ў бальніцы, а трэція лічаць у статыстыцы смяротнасці толькі пры выкананні шэрагу ўмоў.
Апошні тыдзень штодня колькасць новых выпадкаў каронавіруса, па афіцыйных дадзеных, павялічваецца на 700-900 чалавек. Раней Міністэрства аховы здароўя заяўляла пра тое, што захворванне на COVID-19 павінна пачаць зніжацца ў чэрвені.
