Нашы продкі верылі, што праз восем тыдняў пасля Вялікадня, калі пачынае красаваць жыта, трэба асабліва сцерагчыся русалак, бо менавіта ў гэты час яны выходзяць з вады і могуць прагульвацца па лесе, полі і нават вёсцы. Такіе шпацыры не абяцалі звычайным людзям нічога добрага - дзяўчына-тапельніца магла нават забраць з сабой. Згодна з народнымі ўяўленнямі, у звычайныя часы русалка магла заставацца на паветры, пакуль не высахнуць яе валасы і толькі на Русальны тыдзень не дзейнічала гэтая забарона.
Заканчваўся Русальны тыдзень абрадам Русалле, які ў некаторых беларускіх вёсках узнаўляюць дагэтуль. Праводзяць яго ў першую нядзелю пасля Тройцы. Сярод вясковых дзяўчат абіраюць некалькі русалак - іх апранаюць у нацыянальныя строі, плятуць для іх вынкі з кляновага лісця. Прыгажуні водзяць карагоды, спяваюць песні і абавязкова кідаюць свае вянкі ў ваду. Заканчваецца святкаванне Русалля звычайна святочнай вячэрай. Усе гэтыя дзеянні былі неабходныя для таго, каб задобрыць русалак: інакш яны будуць шкодзіць вяскоўцам увесь год.
Фатограф Альфрэд Мікус у гэтым годзе патрапіў на святкаванне Русалля ў вёску Кузьмічы Любанскага раёна. Глядзіце ў фотастужцы Sputnik як беларускія русалкі водзяць карагоды.
1/17
© Sputnik / Альфрэд Мікус
Нашы продкі верылі, што праз восем тыдняў пасля Вялікадня, калі пачынае красаваць жыта, трэба асабліва сцерагчыся русалак, бо менавіта ў гэты час яны выходзяць з вады і могуць прагульвацца па лесе, полі і нават вёсцы.
2/17
© Sputnik / Альфрэд Мікус
Згодна з народнымі ўяўленнямі, у звычайныя часы русалка магла заставацца на паветры, пакуль не высахнуць яе валасы і толькі на Русальны тыдзень не дзейнічала гэтая забарона.
3/17
© Sputnik / Альфрэд Мікус
Заканчваўся Русальны тыдзень абрадам Русалле, які ў некаторых беларускіх вёсках ўзнаўляюць дагэтуль.
4/17
© Sputnik / Альфрэд Мікус
Праводзяць яго ў першую нядзелю пасля Тройцы.
5/17
© Sputnik / Альфрэд Мікус
Сярод вясковых дзяўчат абіраюць некалькі русалак - іх апранаюць у нацыянальныя строі, плятуць для іх вынкі з кляновага лісця.
6/17
© Sputnik / Альфрэд Мікус
Прыгажуні водзяць карагоды, спяваюць песні і абавязкова кідаюць свае вянкі ў ваду.
7/17
© Sputnik / Альфрэд Мікус
Па народных паданнях, у русалак ператвараюцца маладыя тапельніцы-самазабойцы, а таксама немаўляты, што былі праклятыя ўжо ва ўлонні маці, нарадзіліся мёртвымі або былі забітыя адразу пасля нараджэння – задушаныя або ўтопленыя, а таксама памерлі да хрышчэння.
8/17
© Sputnik / Альфрэд Мікус
Русалкі прадстаюць перад вачыма ў выглядзе маладой жанчыны або дзяўчынкі з доўгімі русымі ці зялёнымі валасамі і прыгожымі блакітнымі вачамі, якія, аднак, калі падыйсці да русалкі блізка, становяцца ашклянелымі, як у нябожчыка.
9/17
© Sputnik / Альфрэд Мікус
Скура ў іх вельмі светлая, амаль празрыстая, адзення русалкі не носяць ніякага, а жывуць пад вадой у палацах, пад уладай Вадзяніка.
10/17
© Sputnik / Альфрэд Мікус
Калі тапеліца памерла пахрышчанай, з адлегласці 9 крокаў можна разгледзець след крыжа ў яе на грудзях.
11/17
© Sputnik / Альфрэд Мікус
Існавала таксама павер'е, што, калі адважыцца злавіць русалку і прывесці яе ў хату, тая можа служыць гаспадару на працягу года, але не будзе размаўляць і ежы не будзе браць ніякай, акрамя той, якую пакідаюць дзядам-нябожчыкам.
12/17
© Sputnik / Альфрэд Мікус
Русалкі завабліваюць у ваду люзей любога полу і ўзросту, але больш за ўсё любяць яны маладых хлопцаў.
13/17
© Sputnik / Альфрэд Мікус
Калі русалка закахаецца ў юнака і прывабіць яго да сабе, будзе ахоўваць яго і лашчыць, а старога і непрыгожага мужчыну выпхне на бераг.
14/17
© Sputnik / Альфрэд Мікус
На Русальны тыдзень існавала забарона на ўсялякія палявыя працы, акрамя таго, сяляне імкнуліся не хадзіць у лес і не пушчалі туды дамашнюю скаціну. Ні ў якім разе нельга было купацца – асабліва апоўдні і апоўначы, гэты час здавён лічыўся спрыяльным для ўсіх нячысцікаў.
15/17
© Sputnik / Альфрэд Мікус
Русалка маглі аддзячыць жанчыне, якая падарыла ёй сарочку, або, калі гэта дзіця, прыкрыла яго пялюшкай. Калі яна дакранецца да ахвяравальніцы, у той уся праца будзе рабіцца скора ды ладна.
16/17
© Sputnik / Альфрэд Мікус
Заканчваецца святкаванне Русалля звычайна святочнай вячэрай. Усе гэтыя дзеянні былі неабходныя для таго, каб задобрыць русалак.
17/17
© Sputnik / Альфрэд Мікус
Гэтыя істоты з даўніны лічыліся не толькі шкоднікамі, але і ахоўнікамі пасеваў, таму імкнуліся іх не крыўдзіць.
