https://bel.sputnik.by/20200621/Postsm-smachna-smachnyya-narodnyya-retsepty-na-Pyatro-post-1044974610.html
Посцім смачна: смачныя народныя рэцэпты на Пятроў пост
Посцім смачна: смачныя народныя рэцэпты на Пятроў пост
Sputnik Беларусь
Этнограф Ларыса Мятлеўская дзеліцца сваімі сакрэтамі аб тым, як зрабіць посны стол смачным і разнастайным. 21.06.2020, Sputnik Беларусь
2020-06-21T17:58+0300
2020-06-21T17:58+0300
2020-06-19T17:41+0300
цiкавосткi
у беларусі
пятроў пост
беларуская кухня
https://cdnn11.img.sputnik.by/img/103454/77/1034547739_0:110:1200:789_1920x0_80_0_0_81e132c6b6d4a4027fa8bb51b241f54d.jpg
У праваслаўных пачаўся Пятроў пост, прысвечаны апосталам Пятру і Паўлу. У гэтым годзе пост прыпадае на тэрмін ад 15 чэрвеня да 12 ліпеня.Працягласць посту кожны год розная і пачынаецца ён заўсёды праз тыдзень пасля Сёмухі. Цікава, што самая кароткая Пятроўка або Петравіца цягнецца ўсяго 8 дзён, а самая працяглая – 42 дні.Не гледзячы на тое, што гэты пост лічыцца не строгім, яго невыпадкова называлі Пятроўка-галадоўка. Новы ўраджай яшчэ на полі, а ад старога амаль нічога не засталося. У Ельскім раёне калісці так і казалі: "Летом у Петроўку весілля не робяць... Петроўка – галадоўка, потому што старый хліб поелі, а нового не нажалі".Яшчэ не так даўно амаль кожны вясковы падворак меў карову і коней, авечак і коз і назапасіць на зіму сена было важнай справай. На Палессі казалі: "Хто ў Пятроўку сена не косіць, той зімою ў сабак просіць". Касьба – мужчынская справа і вядома ж, галодны чалавек шмат не накосіць.Цяпер у гаспадыні няма праблем у выбары прадуктаў для прыгатавання любой стравы, а даўней яна магла разлічваць толькі на тое, што было ў гаспадарцы. Таму стравы Пятроўскага посту у вёсцы былі не мудрагелістыя і не вызначаліся разнастайнасцю. І тым не менш у беларускай кухні шмат цікавых рэцэптаў посных страў. Вось некаторыя з іх.ПражанецІнгрыдыенты:Як гатаваць:На патэльні падрумяніць прасеяную муку, усыпаць у каструлю, заліць туды прыкладна 0,5 літра падсоленай вады, якая кіпіць, хутка перамяшаць і старанна расцерці, каб не было камякоў, паставіць на палову гадзіны ў негарачую печ, або ва ўмерана нагрэтую духоўку, каб пражанец даварыўся.Пасмажыць на алеі дробна нашаткаваную цыбулю. Лыжку абмакваць у алей і выкладаць на падагрэтую талерку невялікія клёцкі, паліваючы алеям з цыбуляй.Заўвага руплівай гаспадынькі: Пражанец можна гатаваць толькі з пшанічнай або грэцкай мукі і, калі няма посту, то замест алею можна выкарыстаць растопленае свежае сала.Карп, тушаны з цыбуляйІнгрыдыенты:Як гатаваць:Карпа пачысціць ад лускі, выдаліць плаўнікі і вантробы, прамыць, нарэзаць на кавалкі, пасыпаць іх соллю, перцам, абцерці мукой і абсмажыць на алеі.З галоў і плаўнікоў зварыць булён. Злёгку абсмажыць на алеі нашаткаваную цыбулю, палову яе пакласці ў жароўню, дадаць гваздзіку, лаўровы ліст, перац чорны і духмяны, воцат і цукар. На гэтыя прадукты пакласці кавалкі рыбы, пасыпаць яе цыбуляй, якая засталася, заліць булёнам і паставіць тушыць у духоўку на палову гадзіны.Рачная рыба, вараная з агароднінайІнгрыдыенты:Як гатаваць:Падрыхтаваную рыбу нарэзаць кавалкамі, пакласці ў каструлю разам з нарэзанай бульбай, морквай, цыбуляй, пятрушкай. Дадаць разабраную на суквецці квяцістую капусту, лаўровы ліст, перац гарошкам, соль, уліць 1 літар вады і варыць пад накрыўкай на невялікім агні каля гадзіны.Рыбу падаць разам з агароднінай, паліўшы алеям або растопленым маслам.
https://bel.sputnik.by/20200315/eda-post-kartoshka-blyuda-1033882665.html
Sputnik Беларусь
media@sputniknews.com
+74956456601
MIA „Rossiya Segodnya“
2020
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
цiкавосткi, у беларусі, пятроў пост, беларуская кухня
цiкавосткi, у беларусі, пятроў пост, беларуская кухня
Посцім смачна: смачныя народныя рэцэпты на Пятроў пост
Этнограф Ларыса Мятлеўская дзеліцца сваімі сакрэтамі аб тым, як зрабіць посны стол смачным і разнастайным.
У праваслаўных пачаўся Пятроў пост, прысвечаны апосталам Пятру і Паўлу. У гэтым годзе пост прыпадае на тэрмін ад 15 чэрвеня да 12 ліпеня.
Працягласць посту кожны год розная і пачынаецца ён заўсёды праз тыдзень пасля Сёмухі. Цікава, што самая кароткая Пятроўка або Петравіца цягнецца ўсяго 8 дзён, а самая працяглая – 42 дні.
Не гледзячы на тое, што гэты пост лічыцца не строгім, яго невыпадкова называлі Пятроўка-галадоўка. Новы ўраджай яшчэ на полі, а ад старога амаль нічога не засталося. У Ельскім раёне калісці так і казалі: "Летом у Петроўку весілля не робяць... Петроўка – галадоўка, потому што старый хліб поелі, а нового не нажалі".
Яшчэ не так даўно амаль кожны вясковы падворак меў карову і коней, авечак і коз і назапасіць на зіму сена было важнай справай. На Палессі казалі: "Хто ў Пятроўку сена не косіць, той зімою ў сабак просіць". Касьба – мужчынская справа і вядома ж, галодны чалавек шмат не накосіць.
Цяпер у гаспадыні няма праблем у выбары прадуктаў для прыгатавання любой стравы, а даўней яна магла разлічваць толькі на тое, што было ў гаспадарцы. Таму стравы Пятроўскага посту у вёсцы былі не мудрагелістыя і не вызначаліся разнастайнасцю. І тым не менш у беларускай кухні шмат цікавых рэцэптаў посных страў. Вось некаторыя з іх.
- 200 г пшанічнай мукі
- 200 г грэцкай мукі
- 2 цыбуліны
- 60 г алею
- Соль
На патэльні падрумяніць прасеяную муку, усыпаць у каструлю, заліць туды прыкладна 0,5 літра падсоленай вады, якая кіпіць, хутка перамяшаць і старанна расцерці, каб не было камякоў, паставіць на палову гадзіны ў негарачую печ, або ва ўмерана нагрэтую духоўку, каб пражанец даварыўся.
Пасмажыць на алеі дробна нашаткаваную цыбулю. Лыжку абмакваць у алей і выкладаць на падагрэтую талерку невялікія клёцкі, паліваючы алеям з цыбуляй.
Заўвага руплівай гаспадынькі: Пражанец можна гатаваць толькі з пшанічнай або грэцкай мукі і, калі няма посту, то замест алею можна выкарыстаць растопленае свежае сала.
- 1 кг карпа
- 3 ст лыжкі алею
- 1 ст лыжка мукі
- 2 ст лыжкі воцату
- 1 ст лыжка цукру
- 4 цыбуліны
- Перац чорны і духмяны гарошкам
- Лаўровы ліст
- 2-3 шт гваздзікі
- Соль
Карпа пачысціць ад лускі, выдаліць плаўнікі і вантробы, прамыць, нарэзаць на кавалкі, пасыпаць іх соллю, перцам, абцерці мукой і абсмажыць на алеі.
З галоў і плаўнікоў зварыць булён. Злёгку абсмажыць на алеі нашаткаваную цыбулю, палову яе пакласці ў жароўню, дадаць гваздзіку, лаўровы ліст, перац чорны і духмяны, воцат і цукар. На гэтыя прадукты пакласці кавалкі рыбы, пасыпаць яе цыбуляй, якая засталася, заліць булёнам і паставіць тушыць у духоўку на палову гадзіны.
Рачная рыба, вараная з агароднінай
- 1 кг рыбы (судак, лін, карп, стромга)
- 1 цыбуліна
- 1 морква
- 1 корань пятрушкі
- 3-4 бульбіны
- 200 г квяцістай капусты
- 1 ст лыжка алею або сметанковга масла
- Перац гарошкам
- Лаўровы ліст
- Соль
Падрыхтаваную рыбу нарэзаць кавалкамі, пакласці ў каструлю разам з нарэзанай бульбай, морквай, цыбуляй, пятрушкай. Дадаць разабраную на суквецці квяцістую капусту, лаўровы ліст, перац гарошкам, соль, уліць 1 літар вады і варыць пад накрыўкай на невялікім агні каля гадзіны.
Рыбу падаць разам з агароднінай, паліўшы алеям або растопленым маслам.
