Посцім смачна: смачныя народныя рэцэпты на Пятроў пост

© Sputnik Ларыса МятлеўскаяКарп у расоле
Карп у расоле - Sputnik Беларусь
Этнограф Ларыса Мятлеўская дзеліцца сваімі сакрэтамі аб тым, як зрабіць посны стол смачным і разнастайным.
У праваслаўных пачаўся Пятроў пост, прысвечаны апосталам Пятру і Паўлу. У гэтым годзе пост прыпадае на тэрмін ад 15 чэрвеня да 12 ліпеня.
Бульбяная салата - Sputnik Беларусь
Посцім смачна: як прыгатаваць бульбяную салату з часнаком
Працягласць посту кожны год розная і пачынаецца ён заўсёды праз тыдзень пасля Сёмухі. Цікава, што самая кароткая Пятроўка або Петравіца цягнецца ўсяго 8 дзён, а самая працяглая – 42 дні.
Не гледзячы на тое, што гэты пост лічыцца не строгім, яго невыпадкова называлі Пятроўка-галадоўка. Новы ўраджай яшчэ на полі, а ад старога амаль нічога не засталося. У Ельскім раёне калісці так і казалі: "Летом у Петроўку весілля не робяць... Петроўка – галадоўка, потому што старый хліб поелі, а нового не нажалі".
Яшчэ не так даўно амаль кожны вясковы падворак меў карову і коней, авечак і коз і назапасіць на зіму сена было важнай справай. На Палессі  казалі: "Хто ў Пятроўку сена не косіць, той зімою ў сабак просіць". Касьба – мужчынская справа і вядома ж, галодны чалавек шмат не накосіць.
Цяпер у гаспадыні няма праблем у выбары прадуктаў для прыгатавання любой стравы, а даўней яна магла разлічваць толькі на тое, што было ў гаспадарцы. Таму стравы Пятроўскага посту у вёсцы былі не мудрагелістыя і не вызначаліся разнастайнасцю. І тым не менш у беларускай кухні шмат цікавых рэцэптаў посных страў. Вось некаторыя з іх.
Пражанец
Інгрыдыенты:
  • 200 г пшанічнай мукі
  • 200 г грэцкай мукі
  • 2 цыбуліны
  • 60 г алею
  • Соль
Як гатаваць:
На патэльні падрумяніць прасеяную муку, усыпаць у каструлю, заліць туды прыкладна 0,5 літра падсоленай вады, якая кіпіць, хутка перамяшаць і старанна расцерці, каб не было камякоў, паставіць на палову гадзіны ў негарачую печ, або ва ўмерана нагрэтую духоўку, каб пражанец даварыўся.
Пасмажыць на алеі дробна нашаткаваную цыбулю. Лыжку абмакваць у алей і выкладаць на падагрэтую талерку невялікія клёцкі, паліваючы алеям з цыбуляй.
Заўвага руплівай гаспадынькі: Пражанец можна гатаваць толькі з пшанічнай або грэцкай мукі і, калі няма посту, то замест алею можна выкарыстаць растопленае свежае сала.
Карп, тушаны з цыбуляй
Інгрыдыенты:
  • 1 кг карпа
  • 3 ст лыжкі алею
  • 1 ст лыжка мукі
  • 2 ст лыжкі воцату
  • 1 ст лыжка цукру
  • 4 цыбуліны
  • Перац чорны і духмяны гарошкам
  • Лаўровы ліст
  • 2-3 шт гваздзікі
  • Соль
Як гатаваць:
Карпа пачысціць ад лускі, выдаліць плаўнікі і вантробы, прамыць, нарэзаць на кавалкі, пасыпаць іх соллю, перцам, абцерці мукой і абсмажыць на алеі.
З галоў і плаўнікоў зварыць булён. Злёгку абсмажыць на алеі нашаткаваную цыбулю, палову яе пакласці ў жароўню, дадаць гваздзіку, лаўровы ліст, перац чорны і духмяны, воцат і цукар. На гэтыя прадукты пакласці кавалкі рыбы, пасыпаць яе цыбуляй, якая засталася, заліць булёнам і паставіць тушыць у духоўку на палову гадзіны.
Рачная рыба, вараная з агароднінай
Інгрыдыенты:
  • 1 кг рыбы (судак, лін, карп, стромга)
  • 1 цыбуліна
  • 1 морква
  • 1 корань пятрушкі
  • 3-4 бульбіны
  • 200 г квяцістай капусты
  • 1 ст лыжка алею або сметанковга масла
  • Перац гарошкам
  • Лаўровы ліст
  • Соль
Як гатаваць:
Падрыхтаваную рыбу нарэзаць кавалкамі, пакласці ў каструлю разам з нарэзанай бульбай, морквай, цыбуляй, пятрушкай. Дадаць разабраную на суквецці квяцістую капусту, лаўровы ліст, перац гарошкам, соль, уліць 1 літар вады і варыць пад накрыўкай на невялікім агні каля гадзіны.
Рыбу падаць разам з агароднінай, паліўшы алеям або растопленым маслам.
Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
АҧсныАҧсышәалаАбхазскіԱրմենիաՀայերենАрмянскіAzərbaycanАzərbaycancaАзербайджанскіХуссар ИрыстонИронауАсецінскіსაქართველოქართულიГрузінскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі