МІНСК, 23 чэр - Sputnik. Эстонскія ўлады не прыслухаліся да рэкамендацый розных еўрапейскіх структур і не змянілі сваёй пазіцыі ў дачыненні да Sputnik Эстонія, які вымушана абмежаваў да мінімуму сваю дзейнасць, пра гэта кіраўнік выдання Алена Чэрышава распавяла ўдзельнікам анлайн-нарады АБСЕ па правах чалавека.
У Эстоніі назіраюцца відавочныя парушэнні прынцыпаў свабоды слова, адзначыла журналіст. У прыватнасці, па словах Чэрышавай, эстонскія ўлады адкрыта выкарыстоўваюць розныя формы і інструменты ціску на рэдакцыю Sputnik Эстонія. У канцы 2019 году Дэпартамент паліцыі і памежнай аховы рэспублікі разаслаў усім супрацоўнікам выдання лісты з ультыматумам: калі журналісты не спыняць супрацоўніцтва з расійскім агенцтвам, на іх завядуць крымінальныя справы па артыкуле "Невыкананне еўрапейскіх санкцый". Пад імі ўлады краіны маюць на ўвазе абмежаванні, уведзеныя ў 2014 годзе супраць генеральнага дырэктара МІА "Россия сегодня" Дзмітрыя Кісялёва. Пры гэтым само агенцтва не значыцца ні ў адным санкцыйныя спісе.
Тым не менш у сувязі з высунутымі пагрозамі з 1 студзеня 2020 года сайт выдання працуе ў надзвычайным рэжыме, а супрацоўнікам рэдакцыі прыйшлося разарваць кантракты са Sputnik Эстонія.
"Гэта самы яскравы выпадак барацьбы з іншадумствам. Толькі эстонскія паліцэйскія дазваляюць сабе распаўсюджваць дзеянні персанальных санкцый на расійскае дзяржаўнае СМІ", - заявіла Чэрышава.
Яна таксама нагадала, што ў канцы снежня мінулага года на фоне падзей вакол журналістаў Sputnik Эстонія прэм'ер-міністр Эстоніі Юры Ратас назваў эстонскую дэмакратыю прыкладам для ўсяго свету.
"Я так разумею, што ён лічыць пагрозы журналістам з боку паліцыі дэмакратыяй. А адкрытыя рэпрэсіі ў дачыненні да непажаданых СМІ - гэта свабода слова па-эстонску", - падкрэсліла Чэрышава ў прамове на канферэнцыі АБСЕ.
Нагадаем, прадстаўнік АБСЕ па пытаннях свабоды СМІ Арлем Дэзір першапачаткова быў катэгарычна не згодны з пазіцыяй Эстоніі. У снежні 2019 года ён звярнуўся да эстонскіх уладаў з заклікам ўстрымацца ад ціску на Sputnik Эстонія, назваўшы абмежаванні працы рэдакцыі непатрэбнымі. "Шкада, што вы не былі пачутыя", - звярнулася да Дэзіра Чэрышава ў канцы свайго выступу.
Нарада АБСЕ па правах чалавека (HDIM) - гэта найбуйнейшая ў Еўропе штогадовая канферэнцыя, у якой бяруць удзел дэлегацыі 57 краін АБСЕ, прадстаўнікі структураў АБСЭ, а таксама члены міжнародных і грамадскіх арганізацый. Спікеры канферэнцыі абмяркоўваюць свабоду СМІ, дэмакратыю і пытанні бяспекі журналістаў па ўсім свеце. Па выніках нарады ўдзельнікі прапануюць рэкамендацыі для вырашэння найбольш актуальных пытанняў.
У гэтым годзе нарада праходзіць пад старшынствам Албаніі ў анлайн-фармаце ў сувязі з пандэміяй каронавіруса.
