МІНСК, 17 ліп - Sputnik. У гэтым годзе аб'ём гандлю паміж нашымі краінамі на фоне пандэміі некалькі знізіўся, сказаў прэм'ер-міністр Беларусі Раман Галоўчанка на двухбаковай сустрэчы з казахстанскім калегам Аскарам Маміным рамках Міжурадавага савета ЕАЭС, перадае карэспандэнт Sputnik.
Паводле яго слоў, Казахстан быў і застаецца правераным партнёрам Беларусі. Статыстыка ўзаемнага тавараабароту лепш за ўсё ілюструе ўзровень супрацоўніцтва.
"Планка ў 1 мільярд долараў тавараабароту з'яўляецца дасягальнай", - упэўнены Галоўчанка.
Пасля чаго дадаў, што Мінск і Нур-Султан практычна наблізіліся да гэтай лічбы. Праўда, у гэтым годзе на фоне пандэміі аб'ём гандлю трохі паменшыўся. Беларускі бок гатовы разглядаць прапановы казахстанскіх партнёраў па развіцці сумесных праектаў у розных сферах.
Галоўчанка нагадаў, што ў мінулым годзе адным з найважнейшых пытанняў, які абмяркоўваўся, была "арганізацыя паставак у Беларусь казахстанскай нафты".
На яго думку, падпісанае паміж урадамі пагадненне дазваляе прыступіць да практычнай рэалізацыі дадзенага пытання.
У сваю чаргу Аскар Мамін павіншаваў беларускага калегу з прызначэннем на пасаду і высока ацаніў намаганні Беларусі па арганізацыі вочнай сустрэчы міжурадавага савета ЕАЭС у Мінску.
