Ад рыбалоўства да фізкультуры: у якіх рэгіянальных ВНУ ўжо ёсць конкурс?

© Sputnik / Виктор ТолочкоГорацкая акадэмія
Горацкая акадэмія - Sputnik Беларусь
Падпісацца
Акрамя сталічных універсітэтаў, конкурс складваецца ўжо і на некаторыя спецыяльнасці ў рэгіянальных ВНУ.

Падача дакументаў у ВНУ працягваецца ў Беларусі з мінулай суботы да 31 жніўня. Напярэдадні Sputnik ужо пісаў пра спецыяльнасці ў сталічных універсітэтах, куды ў першыя дні склаўся конкурс. Аднак колькасць абітурыентаў перавышае колькасць бюджэтных месцаў і ў шэрагу рэгіянальных ВНУ.

Конкурс - да васьмі чалавек на месца

Так, не стала выключэннем нават Беларуская дзяржаўная сельскагаспадарчая акадэмія (БДСГА) у Горках, якая сумна вядомая рэгулярным недаборам. Тут конкурс склаўся не толькі на "Прававое забеспячэнне бізнесу" і "Маркетынг у АПК", але нават на "Прамысловае рыбалоўства".

Конкурс лічым на пальцах: мама абітурыента аб падачы дакументаў у ВНУ - Sputnik Беларусь
Радыё
Конкурс лічым "на пальцах": мама абітурыента аб падачы дакументаў у ВНУ

У Гродзенскім дзяржуніверсітэце ўжо склаўся конкурс на "Тылавое забеспячэнне войск (рэчавай маёмасцю) у інтарэсах Узброеных Сіл", "Лагапедыю", шэраг напрамкаў, звязаных з дызайнам. Акрамя таго, у ГрДУ конкурс ёсць на "Журналістыку", "Інфармацыю і камунікацыю", "Лінгвістычнае забеспячэнне міжкультурных камунікацый", "Фізічную культуру" і некаторыя іншыя кірункі. Цікава, што на адну з дызайнерскіх спецыяльнасцяў конкурс дасягае васьмі чалавек на месца.

У Віцебскі дзяржуніверсітэт конкурс склаўся на шэраг IT-спецыяльнасцяў. Таксама колькасць абітурыентаў перавышае колькасць месцаў на "Пачатковай адукацыі", "Алігафрэнапедагогіцы", "Гісторыі і грамадазнаўчых дысцыплінах", "Фізічнай культуры" і шэрагу філалагічных, а таксама псіхалагічных спецыяльнасцяў.

Ад мытнай справы да гісторыі

Конкурс на шэраг спецыяльнасцяў ёсць і ў Полацкім дзяржуніверсітэце: на "Электронны маркетынг", "Лагістыку", "Інфармацыйныя сістэмы і тэхналогіі (у эканоміцы)", "Правазнаўства", "Спецыяльную камунікацыю" і "Мытную справу".
У Магілёўскім дзяржуніверсітэце конкурс ёсць на шэраг філалагічных спецыяльнасцяў, а таксама "Лагапедыю", "Фізічную культуру", "Гісторыю", "Правазнаўства" і эканамічныя напрамкі.

Праца за камп'ютарам, архіўнае фота - Sputnik Беларусь
Дзе сачыць за ходам падачы дакументаў у ВНУ?

Конкурс у Гомельскім дзяржуніверсітэце ўжо склаўся на "Правазнаўства" (5 чалавек на адно бюджэтнае месца), "Псіхалогію", "Фізічную культуру", "Замежныя мовы", "Фінансы і крэдыт", "Эканамічную інфарматыку" і міжкультурныя камунікацыі.

Нарэшце, у Брэсцкім дзяржуніверсітэце ужо ёсць конкурс на "Біяэкалогію", "Турызм і гасціннасць", а таксама на паліталогію і замежныя мовы.

Стужка навiн
0