МІНСК, 29 ліп - Sputnik. Беларускія аграрыі сёлета чакаюць сабраць ураджай збожжа на адзін мільён больш, чым у папярэднія гады. У Мінсельгасхарчы назвалі некалькі фактараў, якія станоўча паўплывалі на ўраджайнасць збожжа, збожжа-бабовых культур і на ўкос траў.
"У гэтым годзе ў краіне чакаецца вельмі добры ўраджай збожжа. Аграрыі працуюць над тым, каб у грамадскім сектары атрымаць больш за 8 мільёнаў тон збожжа, а з улікам зернебабовых культур - 9,5 мільёнаў, 1,1 мільёна - бульбы, 55 тысяч тон ільновалакна, 4,9 мільёна тон цукровых буракоў, 625 тысяч тон агародніны, 170 тысяч тон пладоў і ягад. Такім чынам, дэфіцыт сельскагаспадарчай прадукцыі нам не пагражае і мы прыкладзем усе намаганні, каб забяспечыць выкананне пастаўленых задач", - распавяла Sputnik ў сераду прэс- сакратар міністэрства сельскай гаспадаракі і харчавання Вольга Кацішэўская.
Паводле яе слоў, на высокую ўраджайнасць збожжа паўплывалі некалькі фактараў.
"Па-першае, гэта дакладнае выкананне тэхналогій падчас сяўбы, унясенне мінеральных угнаенняў. Выдатна спрацавалі кадры на ўсіх узроўнях. Нягледзячы на няпростую эпідэміялагічную абстаноўку, пасяўная праведзена ў цэлым у агратэхнічныя тэрміны, падтрымліваецца бесперапыннасць вытворчага працэсу, захаваны неабходны ўзровень тэхналагічнай дысцыпліны. Станоўча паўплывала на ўраджай і анамальна цёплая зіма. Такія зімы, з такой вялікай колькасцю дзён са станоўчымі тэмпературамі, бываюць вельмі рэдка", - сказала суразмоўца агенцтва.
Укласціся ў тэрміны
У Мінсельгасхарчы паведамілі, што беларускія аграрыі па стаянне на 29 ліпеня наблізіліся да намалоту амаль двух мільёнаў тон збожжавых.
"У цяперашні час намалочана больш за 1,9 мільёна тон збожжавых", - сказала афіцыйны прадстаўнік Мінсельгаспрада.
Тэрміны уборачнай сёлета зрушыліся на 10 дзён.
"Яна пачалася пазней, чым звычайна з-за тэмпературных умоў. Але мы разлічваем укласціся з уборачнай у традыцыйныя агратэхнічныя тэрміны", - сказала Кацішэўская.
Яна нагадала, што гаворка ідзе пра тое, што збожжавыя павінны быць прыбраны прыкладна на працягу трох тыдняў - калі не падвядзе надвор'е. У міністэрстве таксама паведамілі, што ў гэтым годзе для ўборкі ўраджаю выкарыстоўваецца 8,5 тысяч камбайнаў, а таксама 2,3 тысячы зернеачышчальна-сушыльных комплексаў. На палях працуе больш за 24 тысяч механізатараў і звыш 12 тысяч камбайнераў.
Не толькі збожжа
Аграрыі таксама адзначылі, што ў гэтым годзе не толькі рэкордны ўраджай збожжа і зернебабовых культур, але і травы для нарыхтоўкі кармоў.
"Ужо другім укосам скошаны травы з плошчы 637,7 тысячы гектараў, нарыхтавана амаль чатыры мільёны тон кармавых адзінак, што на 23% больш, чым у мінулым годзе", - сказалі ў міністэрстве.
У міністэрстве асабліва адзначылі ўплыў чалавечага фактару на бітву за ўраджай.
"У нас вельмі шмат працоўных дынастый, якія кожны год выходзяць на палі, каб сабраць ураджай своечасова і якасна", - сказала прэс-сакратар Мінсельгасхарча.
Пры гэтым яна прывяла прыклад - у Стаўбцоўскім раёне ёсць брыгадзір вытворчага ўчастка Генадзь Цвірко, які ў гэтым годзе працуе на сваёй 55-й - юбілейнай - уборачнай.
