Канада і Ірландыя не прызналі вынікі выбараў у Беларусі

© Sputnik / Виктор ТолочкоДатэрміновае галасаванне на выбарах прэзідэнта 2020 у Гомельскай вобласці
Датэрміновае галасаванне на выбарах прэзідэнта 2020 у Гомельскай вобласці - Sputnik Беларусь
Выбары кіраўніка дзяржавы прайшлі 9 жніўня, пасля іх у краіне пачаліся масавыя пратэсты нязгодных з вынікамі.

МІНСК, 18 жні - Sputnik. Канада не прызнае вынікі выбараў прэзідэнта Беларусі і заклікае да правядзення новых, "свабодных і справядлівых", пра гэта заявіў кіраўнік МЗС краіны Франсуа-Філіп Шампань.

Сцяг АБСЕ - Sputnik Беларусь
Кіраўніцтва АБСЕ хоча прыехаць у Беларусь

"Мы не прызнаем вынікі гэтых сфальсіфікаваных прэзідэнцкіх выбараў у Беларусі і заклікаем да свабодных і справядлівых выбараў", - гаворыцца ў заяве, апублікаванай у Twitter міністра.

Кіраўнік знешнепалітычнага ведамства паведаміў, што пагаварыў з кандыдатам у прэзідэнты Беларусі Святланай Ціханоўскай і выказаў падтрымку беларускаму народу.

Акрамя таго, Канада заклікала АБСЕ правесці "дбайнае расследаванне" мінулых выбараў і асудзіла "суровыя меры, якія прымяняюцца супраць мірных пратэстуючых".

Пра непрызнанне вынікаў выбараў заявіла і Ірландыя, адпаведная заява апублікавана на сайце ірландскага МЗС.
"Вынікі (выбараў) не з'яўляюцца легітымнымі, пра што сведчаць запалохванні і затрыманні, якія мелі месца як да, так і пасля выбараў", - гаворыцца ў ім.

У заяве міністр замежных спраў Ірландыі Сайман Ковэн таксама выказаў занепакоенасць і сітуацыяй, якая склалася ў Беларусі пасля выбараў.

"Я па-ранейшаму глыбока занепакоены падзеямі, якія адбываюцца ў Беларусі і рашуча асуджаю парушэнне правоў чалавека, якія мы назіраем пасля прэзідэнцкіх выбараў, што прайшлі з парушэннямі", - гаворыцца ў заяве міністра.

Прэзідэнцкія выбары адбыліся ў Беларусі 9 жніўня, на пасаду кіраўніка дзяржавы прэтэндавалі пяць чалавек. Па дадзеных ЦВК, перамогу ў першым туры атрымаў дзеючы прэзідэнт Аляксандр Лукашэнка, на другім месцы апынулася Святлана Ціханоўская.

Нязгодныя з вынікамі выбараў людзі з вечара 9 жніўня штодня выходзяць на вуліцы гарадоў. За час пратэстаў у Беларусі было затрымана каля сямі тысяч пратэстуючых, сотні чалавек пацярпелі. Першыя тры дні пратэсты жорстка падаўляліся сілавікамі з выкарыстаннем спецсродкаў, пазней масавыя акцыі пратэсту праходзілі мірна.

Стужка навiн
0
Спачатку новыяСпачатку старыя
loader
У эфіры
Заголовок открываемого материала
Міжнародны
InternationalEnglishАнглійскіMundoEspañolІспанскі
Еўропа
DeutschlandDeutschНямецкіFranceFrançaisФранцузскіΕλλάδαΕλληνικάГрэчаскіItaliaItalianoІтальянскіČeská republikaČeštinaЧэшскіPolskaPolskiПольскіСрбиjаСрпскиСербскіLatvijaLatviešuЛатышскіLietuvaLietuviųЛітоўскіMoldovaMoldoveneascăМалдаўскіБеларусьБеларускiБеларускі
Закаўказзе
ԱրմենիաՀայերենАрмянскіАҧсныАҧсышәалаАбхазскіХуссар ИрыстонИронауАсецінскіსაქართველოქართულიГрузінскіAzərbaycanАzərbaycancaАзербайджанскі
Бліжні Усход
Sputnik عربيArabicАрабскіTürkiyeTürkçeТурэцкіSputnik ایرانPersianФарсіSputnik افغانستانDariДары
Цэнтральная Азія
ҚазақстанҚазақ тіліКазахскіКыргызстанКыргызчаКіргізскіOʻzbekistonЎзбекчаУзбекскіТоҷикистонТоҷикӣТаджыкскі
Усходняя і Паўднёва-Усходняя Азія
Việt NamTiếng ViệtВ'етнамскі日本日本語Японскі俄罗斯卫星通讯社中文(简体)Кітайскі俄罗斯卫星通讯社中文(繁体)Кітайскі
Паўднёвая Амерыка
BrasilPortuguêsПартугальскі