МІНСК, 27 жні - Sputnik. Пасол РФ Дзмітрый Мезенцаў пракаментаваў дзеянні міліцыі ў адносінах да журналістаў у Мінску, сярод дастаўленых у РУУС былі і карэспандэнты расійскіх СМІ, паведамляе Sputnik.
У чацвер у Мінску адбыўся чарговы несанкцыянаваны мітынг нязгодных з вынікамі прэзыдэнцкіх выбараў. Перад пачаткам акцыі супрацоўнікі праваахоўных органаў затрымалі журналістаў, як пазней растлумачылі ў МУС "для праверкі дакументаў, якія пацвярджаюць законнасць іх прафесійнай дзейнасці". Супрацоўнікаў СМІ даставілі ў Кастрычніцкі РУУС Мінска. У аддзяленні міліцыі з журналістамі абыходзіліся карэктна. Пасля ўсіх працэдур іх адпусцілі.
"Зразумела, што гэтая палітычная тэма цяпер у зоне асаблівай увагі журналісцкіх калектываў і іх кіраўніцтва, але пры гэтым мы не раз казалі, што парушаць той рэжым акрэдытацыі, які вызначаны і відавочна зразумелы, мяркуем, не вартым", - сказаў Мезенцаў у эфіры тэлеканала "Расія-24".
9 жніўня ў Беларусі прайшлі выбары прэзідэнта. Па дадзеных ЦВК, перамогу атрымаў дзеючы кіраўнік дзяржавы Аляксандр Лукашэнка. Апазіцыя і яе прыхільнікі ўпэўненыя ў фальсіфікацыі вынікаў галасавання.
