Рашэнне аб уключэнні сумеснай намінацыі 17 снежня прыняў Міжурадавы камітэт па ахове нематэрыяльнай культурнай спадчыны ЮНЕСКА падчас 15-й сесіі.
"Уключэнне элемента ў Спіс ЮНЕСКА з'явілася вынікам сумеснай працы нацыянальных камісій па справах ЮНЕСКА, міністэрств культуры Беларусі і Польшчы, мясцовых супольнасцяў бортнікаў, няўрадавых арганізацый і экспертаў двух краін", - падкрэслілі ў арганізацыі.
Такім чынам, цяпер у спісах нематэрыяльнай культурнай спадчыны ЮНЕСКА знаходзіцца чатыры беларускія элементы:
- святочны калядны абрад "Калядныя цары" з вёскі Семежава Капыльскага раёна Мінскай вобласці
- Будслаўскі фэст
- абрад "Юраўскі карагод" у вёсцы Пагост Жыткавіцкага раёна.
Бортніцтва ў Беларусі налічвае больш за тысячу гадоў і згадваецца ў такіх старажытных юрыдычных дакументах як "Руская праўда " і статуты ВКЛ.
Сёння бортніцтва распаўсюджана больш чым у 20 вёсках Лельчыцкага раёна Гомельскай вобласці, сустракаецца ў межах Петрыкаўскага, Лоеўскага, Жыткавіцкага, Ельскага раёнаў Гомельскай вобласці, Столінскага і Пінскага раёна Брэсцкай вобласці, ёсць асобныя бортнікі ў Гродзенскай, Мінскай і Віцебскай абласцях.
Бортніцтва – адзіны вядомы спосаб атрымаць 100% натуральныя прадукты пчалярства. Унікальнасць дзейства заключаецц ў тым, што збіраючы мёд такім чынам, чалавек практычна не ўмешваецца ў жыццё пчол. Насякомыя ствараюць у калодзе свій мікракосм, дзе самастойна рэгулююць тэмпературу і ўтрыманне вуглякіслага газу. У працэсе атрымання такога мёду не выкарыстоўваюцца дабаўкі прамысловага парафіна для сотаў, цукар і лекі для пчол, атруты для кляшчоў.
