"Белнафтахім" вырашыў, як будзе выстаўляць цэны на паліва ў 2021 годзе

© Sputnik / Евгений Одиноков / Перайсці ў медыябанкАўтазаправачныя станцыі, архіўнае фота
Аўтазаправачныя станцыі, архіўнае фота - Sputnik Беларусь
Падпісацца
Бензін і дызель для беларусаў вось ужо на працягу некалькіх гадоў мяняюцца ў бок павелічэння або памяншэння з крокам у адну капейку.

МІНСК, 5 сту – Sputnik. Насельніцтва рэспублікі станоўча ўспрымае існуючыя падыходы да цэнаўтварэння на паліва, распавёў у інтэрв'ю "Парталу Нафтахімія" старшыня канцэрна "Белнафтахім" Аляксандр Рыбакоў.

Мазырскі НПЗ - Sputnik Беларусь
Беларускія НПЗ плануюць перапрацаваць 18 млн тон нафты ў 2021 годзе

Паводле яго слоў, канцэрн не збіраецца мяняць у гэтай сувязі падыходы да цэнаўтварэння на аўтамабільнае паліва ў рэспубліцы, таму што яны прайшлі праверку часам.

"У залежнасці ад змянення кошту нафты з улікам комплекснай ацэнкі дзейнасці нафтаперапрацоўчых заводаў рух цэн будзе адбывацца ў бок як павелічэння, так і зніжэння не больш за 1 капейку за 1 літр на тыдзень", - растлумачыў кіраўнік канцэрна.

У мінулым годзе бензін і дызель для беларусаў даражэлі ў агульнай складанасці 16 разоў. Апошні раз яны павялічваліся 27 кастрычніка 2020 года. Такім чынам, паказчыкі кошту паліва вярнуліся восенню да ўзроўню красавіка мінулага года.

Чытайце таксама:

Стужка навiн
0