МІНСК, 11 сту – Sputnik. За мінулыя 24 гадзіны ў Беларусі дадалося 1792 пацыента з пацверджаным каронавірусам, паведамляе Міністэрства аховы здароўя. Усяго ад пачатку пандэміі COVID-19 у нашай краіне заразіліся 213 993 чалавека.
Выпісана за апошнія суткі 1300 пацыентаў, якім раней быў пастаўлены дыягназ "каронавірус", усяго ачунялых ўжо 196 284.
Ахвярамі хваробы сталі яшчэ дзевяць чалавек, агульная колькасць памерлых ад віруса ў краіне дасягнула 1526.
За апошнія суткі ў Беларусі выкананы 8207 тэстаў, усяго ж іх зрабілі ўжо 4 139 118.
Вакцынацыя ад COVID-19
21 снежня ў Беларусі была зарэгістраваная расійская вакцына ад каронавіруса "Спутник V", якая стала першым у свеце падобным прэпаратам. Ужо 29 снежня ў нашай краіне пачалася вакцынацыя "Спутник V", першымі прышчэпкі атрымалі медыкі. Па словах міністра аховы здароўя Дзмітрыя Піневіча, вакцынацыя ахопіць больш за 5,5 мільёна чалавек і будзе праводзіцца на добраахвотнай аснове.
Зараз ідзе працэс стварэння вытворчасці расійскай вакцыны на базе беларускіх прадпрыемстваў. Першыя партыі могуць быць выраблены ўжо ў лютым-сакавіку.
Чытайце таксама:
- Пасол РФ: у лютым-сакавіку расійскую вакцыну пачнуць вырабляць у Беларусі
- Першыя прышчэпкі: як пачалася масавая вакцынацыя ад COVID ў Беларусі
- Мезенцаў аб масавай вакцынацыі ў Беларусі: абавязацельствы РФ выкананы
