На думку суразмоўцы Sputnik, усе "эканамічныя болькі", назапашаныя ў Беларусі за 2020 год, вельмі падобныя на праблемы, з якімі эканоміка краіны ўжо сутыкалася за апошнія 25 гадоў.
"Незбалансаванасць эканамічнага росту, манапалізацыя, адсутнасць рэжыму сумленнай канкурэнцыі, удушэнне прыватнага сектара - усё гэта прывядзе да таго, што эканоміка Беларусі ў новым годзе будзе знаходзіцца ў рэцэсіі", - лічыць Раманчук.
Для параўнання, у 2019 годзе беларускі ВУП перавышаў 63 млрд долараў, у 2020 годзе стаў менш за 60 млрд, у 2021 годзе можа апусціцца ніжэй за 55 млрд, мяркуе эканаміст.
"З улікам павышэння падаткаў і дэвальвацыйных чаканняў, а таксама канкрэтных крокаў па росце цэн я бачу, што інфляцыя будзе набліжацца да 10%, Нацбанку будзе не пад сілу ўтрымаць цэны", - лічыць суразмоўца.
Акрамя таго, з улікам цяперашняй нафтавай кан'юнктуры ў свеце і захавання каронавірусных абмежаванняў будзе працягвацца падзенне экспарту і імпарту тавараў, гэта падзенне ў Беларусі, на думку Раманчука, складзе каля 10%.
Паводле прагнозу эканаміста, сярэдняя заработная плата па краіне па выніках 2021 года будзе складаць парадку 420-450 долараў у эквіваленце, а курс беларускага рубля да долара на канец года дойдзе да 3,30.
*Меркаванне спікера можа не супадаць з меркаваннем рэдакцыі.
Чытайце таксама:
- Стала вядома, колькі каштуе газ для Беларусі ў 2021 годзе
- Беларусь за 11 месяцаў на малацэ зарабіла $2,2 мільярда
- Беларусь знізіла крытычны парог золатавалютных рэзерваў
