МІНСК, 20 сту – Sputnik. Старшыня АБСЕ Анн Ліндэ заявіла, што дыялог паміж уладамі Беларусі і апазіцыяй так і не пачаўся, але каб гэта здарылася, трэба спачатку вызваліць палітвязняў.
"Адкрытым застаецца пытанне, якім чынам мы можам дапамагчы лідэрам апазіцыі, такім як Святлана Ціханоўская, і садзейнічаць дыялогу паміж апазіцыяй і дзеючым рэжымам", - сказала яна ў Кіеве, дзе знаходзіцца з першым візітам.
Кіраўнік арганізацыі таксама паведаміла, што абмяркоўвала гэтае пытанне з кіраўніком МЗС Беларусі Уладзімірам Макеем і лідэрамі беларускай апазіцыі.
У гэтым годзе ў АБСЕ старшынствуе Швецыя, Ліндэ займае пасаду міністра замежных спраў у гэтай краіне.
Масавыя пратэсты ў Беларусі
У жніўні мінулага года ў рэспубліцы прайшлі прэзідэнцкія выбары, на якіх, паводле звестак ЦВК, зноў перамог Аляксандр Лукашэнка, набраўшы 80,1% галасоў. Пасля гэтага ў краіне пачаліся масавыя акцыі пратэсту.
Сілавікі падчас разгону шэсцяў у Мінску і іншых гарадах ужывалі спецтэхніку, а таксама гумавыя кулі і светлашумавыя гранаты. Акцыі, тым не менш, працягваюцца да гэтага часу.
Сам Лукашэнка патлумачыў мітынгі апазіцыі, якія зацягнуліся, "уплывам пандэміі і закрытых па гэтай прычыне межаў".
Чытайце таксама:
- Лукашэнка распавёў пра Ціханоўскую, санкцыі і сустрэчы ў СІЗА КДБ
- Генпракуратура Беларусі будзе шукаць Паўла Латушку праз Інтэрпол
- КДБ перадаў у Генэральную пракуратуру справу Віктара Бабарыкі
