МІНСК, 4 лют – Sputnik. Раніцай 12 лютага самалёт з Мінска адправіцца ў Санкт-Пецярбург, 13 лютага - у Растоў-на-Доне, паведамляе нацыянальная авіякампанія "Белавія".
Далей плануецца выконваць рэйсы па наступным раскладзе:
Мінск - Санкт-Пецярбург - Мінск: па пятніцах з вылетам з Мінска ў 08:25 і прыбыццём у аэрапорт Пулкава 09:40. Зваротны рэйс у 10:30 з прыбыццём у Нацыянальны аэрапорт Мінск у 11:55.
Мінск - Растоў-на-Доне - Мінск: па суботах з вылетам з Мінска ў 23:30 і прыбыццём у 01:45 нядзелі. Зваротны рэйс па нядзелях у 03:15 з прыбыццём у Нацыянальны аэрапорт "Мінск" ў 5:35.
Таксама з трох да пяці разоў на тыдзень "Белавія" павялічыць колькасць палётаў ў аэрапорт Дамадзедава.
Мінск - Масква - Мінск: па панядзелках, серадах, чацвяргах, пятніцах і нядзелях з вылетам з Мінска ў 00:35 і прыбыццём у аэрапорт Дамадзедава ў 13:55. Зваротны рэйс у 14:45 з прыбыццём у Нацыянальны аэрапорт Мінск у 16:05.
Пасажырам нагадваюць, што ў Расіі дзейнічаюць абмежавальныя меры ў сувязі з каронавірусам. Каб даведацца аб іх асаблівасцях, падарожнікаў просяць звяртацца ў расійскія кампетэнтныя органы.
Толькі з адмоўным тэстам
Беларусь і Расія аднавілі авіязносіны 27 студзеня. Да гэтага моманту РФ прымала авіярэйсы з Беларусі праз адзін аэрапорт - Дамадзедава.
Цяпер беларусам даступны больш за 20 пунктаў паветранага пропуску РФ. Грамадзяне дзвюх краін змогуць падарожнічаць пры наяўнасці адмоўных тэстаў на каронавірус, загружаных у праграму "Падарожнічаю без COVID-19".
Дадатак знаходзіць бліжэйшыя медыцынскія ўстановы, у якіх можна здаць аналіз на каронавірус перад адлётам. Пасля таго, як чалавек здасць ПЦР-тэст, вынікі даследаванняў загружаюцца ў праграму ў выглядзе QR-кода. Пры перасячэнні мяжы неабходна яго прасканіраваць.
Чытайце таксама:
- Не толькі Масква: Беларусь і Расія аднаўляюць авіязносіны
- Белавія з 19 лютага пачынае выконваць рэйсы ў Дубай
-
Польшча мяняе правілы ўезду для беларусаў
