МІНСК, 4 лют – Sputnik. У Беларусі за мінулыя суткі захварэлі на каронавірус 1708 чалавек, такія дадзеныя ў чацвер прыводзіць Міністэрства аховы здароўя рэспублікі.
Выпісаліся за гэты час з лякарні 1 959 пацыентаў, памерлі яшчэ дзевяць чалавек з дыягнаставаным COVID-19.
"Усяго з пачатку пандэміі ў краіне зарэгістраваны 253 413 чалавек з станоўчым тэстам на COVID-19, ачунялі 241 150 пацыентаў", - гаворыцца ў паведамленні ведамства. За ўвесь час распаўсюджвання інфекцыі памерлі 1 755 беларусаў з выяўленым каронавірусам. За мінулыя суткі пацыентам зрабілі 16 975 тэстаў, усяго ў краіне ўжо правялі 4 519 705 тэстаў.
Кіраўнік Міністэрства аховы здароўя Дзмітрый Піневіч ў сераду, 3 лютага, заявіў, што эпідэміялагічная сітуацыя ў Беларусі стабілізавалася, ва ўсіх рэгіёнах краіны эпідпрацэс паказвае усё меншую інтэнсіўнасць.
Нагадаем, што ўчора беларускаму боку былі перададзены ўзоры другой расійскай вакцыны ад каронавіруса "ЭпиВакКорона", а таксама расійскія тэст-сістэмы новага пакалення для вызначэння каронавіруса. Зараз прышчэпачная кампанія ў Беларусі ідзе прэпаратам "Спутник V", першымі вакцынуюць медыкаў, якія знаходзяцца ў групе рызыкі.
Чытайце таксама:
- Мінздароўя распавяло ці ёсць новыя небяспечныя мутацыі каронавіруса ў Беларусі
-
Кіраўнік Міністэрства аховы здароўя: эпідсітуацыя ў Беларусі стабілізавалася
-
Расія перадала Беларусі новую вакцыну ад каронавіруса "ЭпиВакКорона"
