МІНСК, 17 лют – Sputnik. Ад пачатку пандэміі ў Беларусі зафіксаваны 272 273 выпадкі захворванняў на COVID-19, паведаміла прэс-служба Міністэрства аховы здароўя краіны.
Раней першы намеснік міністра аховы здароўя Беларусі Алена Богдан ахарактарызавала сітуацыю з пандэміяй каронавіруса ў краіне як "хвалепадобнае плато".
"За суткі ў Рэспубліцы Беларусь зарэгістраваны 1 352 пацыенты з COVID-19, выпісаны 1 511 пацыентаў", - гаворыцца ў паведамленні ведамства. За ўвесь перыяд пандэміі ў краіне 261 568 чалавек ачунялі ад каронавіруса.
Ахвярамі COVID-19 сталі 1 876 пацыентаў, за суткі ў краіне памерлі ад хваробы дзевяць чалавек.
Раней Міністэрства аховы здароўя Беларусі заявіла аб зніжэнні захворвання COVID-19 у рэгіёнах, у сувязі з чым працягваецца паэтапнае перапрафіляванне ложкаў у бальніцах. Перад тым, як вывесці медустанову з "чырвонай зоны" канчаткова, у кожным з іх праводзіцца дэзінфекцыя.
ПЦР тэсты, якія робяцца цяпер не толькі ў дзяржаўных медустановах, але і ў прыватных лабараторыях, зрабілі за мінулы дзень 17 455 разоў. Усяго ж у краіне ад пачатку пандэміі праведзена больш за 4,7 мільёна тэстаў.
Чытайце таксама:
- Дзве расійскія вакцыны прызнаны эфектыўнымі супраць брытанскага "мутанта"
- Піневіч: прыступаем да вакцынацыі беларускіх настаўнікаў ад COVID
- "Прыйдзе нешта страшнейшае": доктар Мяснікоў папярэдзіў пра новую пандэмію
