Пандус у кожны дом: у Беларусі ўвядуць новыя будаўнічыя нормы

© Sputnik / Виктор ТолочкоУ суседнім шматпавярховым доме адразу прыбудавалі самы звычайны пандус з парэнчамі
У суседнім шматпавярховым доме адразу прыбудавалі самы звычайны пандус з парэнчамі - Sputnik Беларусь, 1920, 03.03.2021
Падпісацца на
НовостиTelegram
Забудоўшчыкаў абавяжуць абсталяваць уваходы ў жылыя дамы гарызантальнымі пляцоўкамі, а каля лесвіц перад ганкам пад'езда будаваць пандусы або ўсталёўваць пад'ёмныя прылады.

МІНСК, 3 сак – Sputnik. Новыя будаўнічыя нормы ў мэтах стварэння інфраструктуры для фізічна аслабленых асоб пачнуць дзейнічаць у краіне ўжо гэтай вясной.

Як распавялі Sputnik у прэс-службе Мінбудархітэктуры, да гэтай катэгорыі насельніцтва адносяць састарэлых, цяжарных жанчын, дзяцей-дашкольнікаў, жанчын з дзецьмі на руках і з каляскамі, а таксама людзей з рознымі траўмамі.

Па новых нормах, ужо на стадыі праектавання шматкватэрных жылых дамоў павінны быць прадугледжаны памяшканні для захоўвання інвалідных і дзіцячых калясак. А ліфт па праекце павінен размяшчацца на адным узроўні з ганкам без прыступак.

Абавязковыя патрабаванні закрануць і абсталяванне кватэр электравыключальнікамі: зараз іх забаронена ўсталёўваць на вышыні вышэй метра ад узроўня падлогі. Лічыльнікі цяпла і вады таксама павінны быць лёгка даступныя для карыстання.

Па звестках ведамства, новых норм у будаўніцтве абавязаны прытрымлівацца як дзяржаўныя, так і прыватныя забудоўшчыкі.

Жылыя дамы ў Мінску - Sputnik Беларусь, 1920, 23.02.2021
Падаражэлі: чэкі "Жыллё" праіндэксавалі ў Мінску
Акрамя жылых памяшканняў, новаўвядзенні павінны максімальна выконвацца пры праектаванні грамадскіх, вытворчых будынкаў, а таксама пры іх рамонце і тэхнічнай мадэрнізацыі.

Як удакладнілі ў ведамстве, змяненні накіраваны на тое, каб новае жыллё было максімальна камфортным і зручным для ўсіх катэгорый насельніцтва.

Новыя будаўнічыя нормы зацверджаны ў Беларусі пастановай Міністэрства архітэктуры і будаўніцтва ад 13 лiстапада 2020 года №81, адпаведная інфармацыя была апублікавана ў аўторак на Нацыянальным прававым інтэрнэт-партале. Нормы будуць уведзены ў дзеянне праз 60 каляндарных дзён пасля апублікавання.

Чытайце таксама:

Стужка навiн
0