МІНСК, 8 сак – Sputnik. Кітай атрымаў поўную перамогу над абсалютнай беднасцю, заявіў старшыня КНР Сі Цзіньпін, выступаючы на сходзе, прысвечаным вынікам барацьбы з беднасцю.
У 2013 годзе кітайскі лідэр, наведваючы з інспекцыяй правінцыю Ухань, заявіў пра ідэю мэтавай барацьбы з беднасцю.
"Дзякуючы агульным намаганням Камуністычнай партыі Кітая і кітайскага народа мы атрымала поўную перамогу ў барацьбе з беднасцю", - заявіў Сі Цзіньпін.
Кіраўнік КНР у пацверджанне сваіх слоў прывёў лічбы: так, за апошнія восем гадоў з беднасці былі выведзены 98,99 млн кітайцаў з сельскай мясцовасці, са спіска бедных раёнаў - 832 павета і 128 тысяч вёсак. За апошнія 40 гадоў, ад пачатку палітыкі рэформаў і адкрытасці, з беднасці былі выведзены 770 мільёнаў сельскіх жыхароў.
"За гэты перыяд Кітай унёс 70% у глабальную барацьбу з выкараненнем беднасці", - заявіў Сі Цзіньпін і падкрэсліў, што Кітай стварыў яшчэ адзін цуд, "які застанецца ў гісторыі".
У Крамлі, каментуючы заяву кіраўніка КНР, заявілі, што вітаюць поспехі Кітая ў барацьбе з галечай.
"Мы вітаем поспехі нашых кітайскіх партнёраў. Кітай - вельмі вялікая краіна з вельмі вялікім насельніцтвам, таму такія поспехі, вядома, кажуць пра тое, што развіццё ідзе планамерна, і, нягледзячы на ўсе складанасці, якія ўзнікаюць у сувязі з крызіснымі кавіднымі і паслякавіднымі з'явамі, нашым кітайскім партнёрам ўдаецца паступальна падтрымліваць развіццё", - сказаў прэс-сакратар прэзідэнта РФ Дзмітрый Пяскоў.
Чытайце таксама:
- Кітай накіраваў у Беларусь 100 тысяч доз вакцыны ад каронавіруса
- Лукашэнка пагаварыў па тэлефоне з кіраўніком КНР
- У Кітаі занепакоены, што санкцыі ЕС супраць Мінска пагражаюць чыгуначным перавозкам
