МІНСК, 9 сак – Sputnik. Беларуская тэнісістка Арына Сабаленка, якая займае восьмы радок у рэйтынгу WTA, выйшла ў трэці круг турніру ў Дубаі, паведамляе Sputnik.
Сабаленка не вельмі ўдала пачала сакавік, прайграўшы першую сустрэчу на турніры ў Дохе іспанцы Гарбін’е Мугурусе (16).
У аўторак беларуска стартавала на спаборніцтвах катэгорыі Premier 5 у ААЭ, яе саперніцай стала францужанка Алізе Корнэ (59). Першы сэт прайшоў пад дыктоўку Сабаленкі, у другім раўнавага сіл змянялася, але беларуская тэнісістка змагла адолець сваю саперніцу - 6:2, 6:4.
Сустрэча доўжылася амаль паўтары гадзіны.
У матчы за выхад у чвэрцьфінал саперніцай нашай тэнесісткі будзе пераможца супрацьстаяння Анэт Кантавейт (24, Эстонія) - Сарана Кырстя (67, Румынія).
Турнір катэгорыі WTA 1000 у ААЭ завершыцца 13 сакавіка, яго прызавы фонд складае амаль два мільёны долараў.
Прэм'ер-серыя турніраў WTA - гэта катэгорыя спаборніцтваў Жаночай тэніснай асацыяцыі (WTA), якая існуе з 2009 года. У яе ўваходзяць 22 турніры.
Турніры катэгорыі Premier 5 маюць прызавы фонд не менш за 2 мільёны 746 тысяч долараў. Больш спартсмены могуць зарабіць толькі на фінале Сусветнага тура і спаборніцтвах Premier Mandatory.
Чытайце таксама:
- Арына Сабаленка пераадолела метку ў 7 млн долараў прызавых
- Сабаленка і Мертэнс выйгралі ў парным разрадзе Australian Open
- Лукашэнка павіншаваў Сабаленку з першай перамогай у сезоне
