МІНСК, 23 сак – Sputnik. За час пратэстаў у Беларусі, якія пачаліся пасля выбараў прэзідэнта краіны 9 жніўня 2020 года, вадзіцельскіх пасведчанняў пазбавіліся 150 чалавек, паведаміў начальнік ДАІ Мінска Сяргей Бабіч у мультымедыйным прэс-цэнтры Sputnik Беларусь.
Каля 200 вадзіцеляў, па словах Бабіча, былі прыцягнуты да адказнасці за наўмыснае блакіраванне дарог, 377 - за падачу неабгрунтаваных гукавых сігналаў, 385 - за падачу гудкоў, якія прывялі да стварэння аварыйнай абстаноўкі.
Ён нагадаў, што ў новы КаАП унесены і памеры штрафаў за такія парушэнні. За падачу гукавога сігналу пры правядзенні несанкцыянаваных масавых мерапрыемстваў штраф - да 10 базавых велічынь з пазбаўленнем праў да 1 года або без пазбаўлення; за блакіраванне праезнай часткі - ад 6 да 50 базавых з пазбаўленнем праў да 2 гадоў або без пазбаўлення.
"Папрашу вадзіцеляў не звяртацца да такіх неабдуманых учынкаў. Дарога - не месца для выражэння сваёй грамадзянскай пазіцыі", - сказаў Сяргей Бабіч.
"Сталічная ДАІ гатова да прадухілення магчымых масавых беспарадкаў на дарогах 25 сакавіка", - сказаў на заканчэнне Бабіч.
Поўную версію прэс-канферэнцыі глядзіце на Sputnik Беларусь.
Чытайце таксама:
- Генеральная пракуратура: па "пратэстных" справах асуджана больш за 400 чалавек
- Мінскі АМАП гатовы да веснавых пратэстаў - Балаба
- Кубракоў: мы ведаем людзей, якія заклікаюць да пратэстаў
