МІНСК, 29 сак – Sputnik. Беларускі заваявалі тры сярэбраныя і адзін бронзавы медалі на першым этапе Кубка свету па мастацкай гімнастыцы ў Сафіі, паведамляе Sputnik.
Сярод беларусак першай адкрыла лік медалям ў Сафіі Аліна Гарноська, якая заваявала бронзавую ўзнагароду ў мнагабор'і. Суддзі ацанілі яе выступленне у 96,150 балаў. Таксама на яе рахунку другая пазіцыя ў кампазіцыі з мячом (25,850).
Яшчэ адна беларуска Анастасія Салас змагла падняцца на другую пазіцыю ў практыкаванні з абручом (26,100) і ў кампазіцыі са стужкай (21,600).
Удзел у турніры прынялі гімнасткі з 37 краін свету. Наступныя спаборніцтвы, дзе выступяць беларускі, пройдуць у Ташкенце з 16 па 18 красавіка, дзе запланаваны другі этап Кубка свету.
Беларускія грацыі пачалі сезон у лютым. Тады нашы "мастачкі" на Гран-пры ў Маскве заваявалі залаты і два сярэбраныя медалі.
Чытайце таксама:
- Беларускія дзюдаісты пацярпелі няўдачу на турніры серыі Вялікага шлема
- Маісевіч: лёгкаатлетам на Алімпіядзе цалкам рэальна заваяваць 2-4 медалі
- Эстафета алімпійскага агню стартавала ў Японіі
