МІНСК, 30 сак – Sputnik. Штаб экс-прэтэндэнта на пасаду прэзідэнта Беларусі Віктара Бабарыкі стварыў партыю "Разам".
Партыя створана на базе каманды, якая праводзіла выбарчую кампанію Віктара Бабарыкі і экс-кандыдата ў прэзідэнты Святланы Ціханоўскай. У паведамленні на афіцыйным сайце партыі гаворыцца, што Марыя Калеснікава і Віктар Бабарыка - ужо члены партыі "Разам".
"Мы ствараем партыю новага тыпу. Што гэта значыць? Партыя новага тыпу - гэта сучасная структура. Разам мы будзем выкарыстоўваць тыя веды і падыходы, якія мы ўжываем для эфектыўнага вядзення бізнесу, IT-індустрыі, развіцця паспяховых грамадзянскіх праектаў, творчасці", - гаворыцца ў маніфесце партыі.
На дадзены момант вядзецца прыём заявак ад патэнцыяльных членаў аб'яднання. Першы з'езд плануецца правесці, як толькі набярэцца першая 1000 членаў партыі. У выпадку, калі партыю не зарэгіструюць, арганізацыя плануе дзейнічаць у рамках юрыдычнага статусу: "Аргкамітэт палітычнай партыі".
Пра тое, што плануецца стварыць партыю "Разам", стала вядома ў канцы жніўня. Штаб Віктара Бабарыкі апублікаваў відэа, якое палітык запісаў перад арыштам.
У чым абвінавачваюць Віктара Бабарыку?
На дадзены момант Віктар Бабарыка знаходзіцца ў СІЗА КДБ па абвінавачванні ў эканамічных злачынствах.
Экс-банкір, які ўзначальваў Белгазпрамбанк на працягу 20 гадоў, абвінавачваецца ў атрыманні хабараў арганізаванай групай асоб і ў легалізацыі даходаў, атрыманых злачынным шляхам, у абодвух выпадках - у асабліва буйным памеры.
Ён таксама абвінавачваецца ў тым, што два гады таму правёў фінансавыя аперацыі па набыцці двух капiтальных будынкаў у Мінску ў мэтах легалізацыі сродкаў, атрыманых злачынным шляхам. Яму пагражае да 15 гадоў пазбаўлення волі па ч.3 арт.430 "Атрыманне хабару" Крымінальнага кодэкса Беларусі.
Паводле абвінавачання, якое зачыталі ў судзе, ядро злачыннай групы, якую Бабарыка стварыў са сваіх намеснікаў, сфарміравалася да 2008 года. А да 2020 года экс-банкір каардынаваў дзеянні яе ўдзельнікаў, займаўся размеркаваннем роляў і прызначаў сумы незаконнага ўзнагароджання.
Чытайце таксама:
- Важныя сведкі: абарона Бабарыкі прасіла выклікаць у суд бізнесменаў з Латвіі
- Нечаканы паварот: Бабарыка заявіў адвод суду
- Бабарыка ў судзе заявіў, што не прызнае віну ў поўным аб'ёме
