Яшчэ адна лабараторыя для здачы экспрэс-тэста на COVID-19 запрацавала ў Мінску

© Sputnik / Евгений Биятов / Перайсці ў медыябанкВучоны ў лабараторыі, архіўны фотаздымак
Вучоны ў лабараторыі, архіўны фотаздымак - Sputnik Беларусь, 1920, 01.04.2021
Падпісацца
Паслуга будзе даступна толькі для тых, хто выязджае за мяжу - у краіны, дзе дастаткова дыягнастычнага экспрэс-тэста на каронавірус.

МІНСК, 1 кра – Sputnik. З сённяшняга дня тыя, хто выязджае за межы Беларусі могуць здаць экспрэс-тэставанне на антыген SARS-CoV-2 (ДЭТ Аг) у Мінскім гарадскім цэнтры гігіены і эпідэміялогіі. Адпаведная інфармацыя размешчана на сайце медустановы.

Дадатковая паслуга будзе карысная для вандруючых у тыя краіны, дзе для ўезду дастаткова экспрэс-тэста на каронавірус.

Лабараторыя працуе па буднях з 10.00 да 17.00 з перапынкам з 12.30 да 13.00. Вынік экспрэс-тэста абяцаюць прадаставіць на працягу гадзіны пасля здачы.

Паслуга абыдзецца ў 44 рублі 69 капеек для рэзідэнтаў Беларусі, для нерэзідэнтаў - 48 рублёў 48 капеек. Лабараторыя знаходзіцца па адрасе вул. П.Броўкі, 13, лабараторны корпус, кабінет 107. Дзейнічае папярэдні электронны запіс, ён даступны на сайце цэнтра па пятніцах з 09.00.

Па дадзеных на 1 красавіка экспрэс-тэсты на каронавірус неабходна прад'явіць па прыездзе ў наступныя краіны:

  • Германія - ПЦР або ДЭТ Аг, тэрмін дзеяння - 48 гадзін;
  • Нідэрланды - ПЦР за 72 гадзіны і ДЭТ Аг за 24 гадзіны;
  • Польшча - ПЦР або ДЭТ Аг, тэрмін дзеяння - 48 гадзін;
  • Літва - ПЦР або ДЭТ Аг, тэрмін дзеяння - 72 гадзіны;
  • Вялікабрытанія - ПЦР або ДЭТ Аг, тэрмін дзеяння - 72 гадзіны;
  • Фінляндыя - ПЦР або ДЭТ Аг, тэрмін дзеяння - 72 гадзіны;
  • Швецыя - ПЦР або ДЭТ Аг, тэрмін дзеяння - 48 гадзін;
  • Аўстрыя - ПЦР або ДЭТ Аг, тэрмін дзеяння - 72 гадзіны.

Нагадаем, здаць тэст на COVID-19 (як ПЦР, так і экспрэс) тым, хто выязджае за мяжу, можна таксама ў Нацыянальным аэрапорце. Для праходжання тэставання неабходна пры сабе мець пашпарт, білет або пасадачны талон, а таксама пацвярджэнне аплаты (у папяровым або электронным выглядзе).

Пры гэтым забраць вынікі можна кругласутачна, нават калі лабараторыя зачынена - у павільёне турыстычных паслуг аэрапорта.

Чытайце таксама:

Стужка навiн
0