МІНСК, 7 кра – Sputnik. У Беларусі за апошнія суткі зарэгістраваны 1 278 чалавек з каронавіруснай інфекцыяй, паведаміла прэс-служба Міністэрства аховы здароўя ў сераду.
З установы аховы здароўя выпісаны 1 243 чалавекі (больш за 320 тысяч за ўвесь час). З моманту з'яўлення каронавіруса ў рэспубліцы са станоўчым тэстам на COVID-19 зарэгістраваны больш за 330 тысяч пацыентаў.
За ўвесь час ад хваробы памерлі 2 314 чалавек (+10 за мінулыя суткі).
Усяго ў Беларусі медыкі правялі амаль 5,5 мільёна ПЦР-даследаванняў (+17 231 за апошнія 24 гадзіны).
Вакцынацыя ў Беларусі
Першую пробную партыю прэпарату "Спутник V", вырабленага па расійскіх тэхналогіях, выпусцілі на "Белмедпрэпаратах" 26 лютага.
Прамысловы выпуск стартаваў 25 сакавіка. Калі вакцына пройдзе ўсе неабходныя праверкі бяспекі і эфектыўнасці ў цэнтры імя Гамалеі, распачнецца вытворчасць прэпарату, прызначанага для масавай вакцынацыі. Яе плануюць пачаць да канца красавіка.
Пакуль жа ў Беларусі прышчапляюць прадстаўнікоў прафесій з груп рызыкі: урачоў, настаўнікаў, сацработнікаў. Паліклінікі ўжо прымаюць заяўкі на вакцынацыю ад усіх жадаючых.
Колькасць смяротных выпадкаў з-за каронавіруса павялічваецца
Акрамя таго, захоўваецца тэндэнцыя і да росту заражэнняў - паказчыкі павялічваюцца шосты тыдзень запар. З 29 сакавіка па 4 красавіка, па дадзеных СААЗ, у свеце памерлі больш за 71 тысячу чалавек, колькасць новых выпадкаў каронавіруса склала больш за чатыры мільёны.
У тройку лідэраў сярод краін з 10 мільёнамі і больш заражэнняў каронавірусам уваходзяць ЗША, Бразілія і Індыя.
Чытайце таксама:
- Абнаўляць вакцыну ад каронавіруса ў выпадку мутацый навучыліся ў Расіі
- Яшчэ адна лабараторыя для здачы экспрэс-тэста на COVID-19 запрацавала ў Мінску
- Лукашэнка распарадзіўся стварыць беларускую вакцыну ад COVID-19
