Замежнікаў на "Славянскі базар" пусцяць без віз

© Sputnik / Андрей Александров / Перайсці ў медыябанкФестываль мастацтваў "Славянскі базар у Віцебску"
Фестываль мастацтваў Славянскі базар у Віцебску - Sputnik Беларусь, 1920, 26.04.2021
Падпісацца
Асноўныя мерапрыемствы "Славянскага базару - 2021" пройдуць з 15 па 18 ліпеня, тэрміны зацвердзіў Аляксандр Лукашэнка.

МІНСК, 26 кра – Sputnik. Для перасячэння мяжы з Беларуссю без візы дастаткова паказаць на мяжы квіток на канцэрт у Летнім амфітэатры ці КЗ "Віцебск".

Тэрміны правядзення юбілейнага - 30-га Міжнароднага фестывалю мастацтваў "Славянскі базар у Віцебску" - зацвердзіў Аляксандр Лукашэнка. Асноўныя мерапрыемствы запланаваны з 15 па 18 ліпеня. Бязвізавы ўезд у краіну прадугледжаны для "пашырэння аўдыторыі гледачоў". Як чакаецца, удзельнікамі і гасцямі фестывалю стануць грамадзяне 73 дзяржаў.

Як удакладняе агенцтва БЕЛТА, распараджэннем беларускага лідэра таксама прадугледжаны "асобныя прэферэнцыі для яго арганізатараў і ўдзельнікаў".

Сітуацыя вакол "Славянскага базару - 2021"

Арганізатары фестывалю ў канцы сакавіка абвясцілі першых удзельнікаў творчага форуму, пасля чаго артысты падвергліся "эмацыянальнаму ціску" у сацсетках. Пасля таго, як была прадстаўлена афіша канцэрта-закрыцця фестывалю, адразу некалькі артыстаў абверглі свой удзел. Сярод іх Міхаіл Галусцян, украінская выканаўца MARUV, Аляксандр Іваноў (гурт "Рондо"), Стас П’еха.

Лагатып Еўрабачання-2021 - Sputnik Беларусь, 1920, 01.04.2021
COVID-эксперымент: гледачам дазволяць прысутнічаць на "Еўрабачанні"

Як тлумачылі арганізатары фестывалю ў афіцыйным Instagram-акаўнце, масавыя інфармацыйныя дзеянні ў сацыяльных сетках "не павінны азмрочыць сустрэчу артыста і па-сапраўднаму шчырага гледача".

Больш канкрэтна выказаўся з гэтай нагоды спявак Аляксандр Саладуха, які прыме ўдзел у адкрыцці "Славянскага базару". У інтэрв'ю "Мінск-Навіны" ён заявіў "ну, хай адмаўляюцца, хай сядзяць дома". Паводле яго слоў, да гэтага часу ад фестывалю адмовіліся адзінкі артыстаў, ды і тыя - зоркі не першай велічыні.

"Хто адмовіўся? Кіркораў, Лявонцьеў, Міхайлаў? Ну хто такі Галусцян? Смешна", - заявіў Саладуха.

Нагадаем, нацыянальныя адборачныя туры на песенныя конкурсы ўжо прайшлі. Па іх выніках нашу краіну на "Славянскім базары" прадставіць мінчанін Канстанцін Мазуркевіч, за першае месца на конкурсе маладых выканаўцаў пазмагаецца Данііл Мышкавец.

Чытайце таксама:

Стужка навiн
0