https://bel.sputnik.by/20210607/Bez-dadatkovaga-vykhadnoga-u-Belarus-zyavtstsa-novae-svyata-1047824158.html
Без дадатковага выхаднога: у Беларусі з'явіцца новае свята
Без дадатковага выхаднога: у Беларусі з'явіцца новае свята
Sputnik Беларусь
Указ аб заснаванні ў краіне яшчэ аднаго святочнага дня кіраўнік дзяржавы падпісаў у панядзелак. 07.06.2021, Sputnik Беларусь
2021-06-07T17:55+0300
2021-06-07T17:55+0300
2021-06-07T17:54+0300
навіны
у беларусі
грамадства
галоўнае
беларусь
свята
указ
кіраўнік дзяржавы
https://cdnn11.img.sputnik.by/img/101691/51/1016915194_0:301:3000:1989_1920x0_80_0_0_4de22e190c4000f76e66ea2d4fa46670.jpg
МІНСК, 7 чэр - Sputnik. Дзень народнага адзінства будзе адзначацца ў Беларусі 17 верасня. Адпаведны ўказ №206 быў падпісаны прэзідэнтам Аляксандрам Лукашэнкам, паведамляе прэс-служба беларускага лідэра.Дакумент уносіць змяненні ва ўказ №157 ад 26 сакавіка 1998 года "Аб дзяржаўных святах, святочных днях і памятных датах у Рэспубліцы Беларусь".Дадатковага выхаднога дня ў сувязі з установай свята не прадугледжана.Рыжскі мірны дагавор18 сакавіка 1921 года паміж РСФСР і Украінай з аднаго боку і Польшчай з другога быў падпісаны мірны дагавор, які спыніў савецка-польскую вайну 1920-1921 гадоў. Згодна з дакументам, усходнюю польскую мяжу ссунулі ў бок СССР. Яна стала праходзіць у 30 кіламетрах на ўсход ад Мінска. Пад Польшчай апынулася каля 200 тысяч квадратных кіламетраў, дзе пражывала больш за 4,5 млн жыхароў.Дэлегацыя Сацыялістычнай Савецкай Рэспублікі Беларусі (ССРБ) на перамовах не прысутнічала, афіцыйна яе інтарэсы прадстаўляла РСФСР. У складзе ССРБ заставалася толькі 6 паветаў былой Мінскай губерні: Бабруйскі, Барысаўскі, Ігуменскі, Мазырскі, часткова Мінскі і Слуцкі. У выніку плошча рэспублікі тады складала толькі 52,4 тыс. км2.Што адбылося 17 верасня 1939 года23 жніўня 1939 года ў Маскве паміж СССР і Германіяй быў падпісаны дагавор аб ненападзе. Да дакумента прыкладаўся дадатковы сакрэтны пратакол аб падзеле сфер уплыву паміж Германіяй і Савецкім Саюзам.Пра змест дакумента стала вядома толькі ў сярэдзіне 1990-х гадоў пасля выяўлення арыгінала ў архівах Палітбюро ЦК КПСС. Паводле дамовы, германскія войскі не павінны былі заходзіць у населеныя пераважна беларусамі і украінцамі ўсходнія рэгіёны Польшчы, а таксама на тэрыторыю Латвіі, Літвы і Эстоніі.1 верасня 1939 года гітлераўская Германія напала на Польшчу - пачалася Другая сусветная вайна. Праз 15 дзён у частках Чырвонай Арміі зачыталі загад аб выступленні ў вызваленчы паход на захад. 17 верасня 1939 года войскі перайшлі мяжу з Польшчай, пачалося ўз'яднанне ўсходніх і заходніх беларускіх тэрыторый.Прасоўванне савецкіх войскаў ішло хутка: 18 верасня яны занялі Свянцяны, Ліду, Наваградак, Слонім, Ваўкавыск; 19 верасня - Пружаны і Кобрын.Некалькі дзён працягвалася бітва за Гродна. Упартае супраціўленне тут аказалі каля 3 тыс. салдат і афіцэраў навучальнага падраздзялення і паліцэйскіх. 20 верасня горад быў узяты. 22 верасня савецкія войскі ўвайшлі ў Брэст-Літоўск і Беласток.28-30 кастрычніка 1939 года ў Беластоку прайшло пасяджэнне Народнага сходу Заходняй Беларусі. На ім была прынята Дэкларацыя аб абвяшчэнні савецкай улады і уваходжанні Заходняй Беларусі ў склад БССР. 2 лістапада 1939 года пазачарговая V сесія Вярхоўнага Савета СССР першага склікання вырашыла задаволіць просьбу Народнага сходу Заходняй Беларусі і ўключыць яе тэрыторыю ў склад СССР, аб'яднаўшы яе з БССР. На пазачарговай III сесіі Вярхоўнага Савета БССР 14 лістапада 1939 года быў падпісаны закон "Аб прыняцці Заходняй Беларусі ў склад Беларускай Савецкай Сацыялістычнай Рэспублікі".Тэрыторыя і насельніцтва рэспублікі павялічыліся амаль удвая. На заходнебеларускіх землях, якія ўвайшлі ў склад БССР, былі ўтвораны Баранавіцкая, Беластоцкая, Брэсцкая, Вілейская і Пінская вобласці.У шмат якіх беларускіх гарадах ёсць вуліцы, названыя ў гонар 17 верасня, а ў Глыбокім такое найменне носіць цэнтральная плошча.Чытайце таксама:
https://bel.sputnik.by/20210602/Savetskya-lyudz-na-nkalnykh-kalyarovykh-fota-vuchonaga-z-ZShA-1047761029.html
https://bel.sputnik.by/20210604/Nasuperak-dyyagnazakh-yak-srata-z-DTsP-zmagla-pryysts-da-svay-mary-1047799277.html
беларусь
Sputnik Беларусь
media@sputniknews.com
+74956456601
MIA „Rossiya Segodnya“
2021
Sputnik Беларусь
media@sputniknews.com
+74956456601
MIA „Rossiya Segodnya“
Навіны
ru_BY
Sputnik Беларусь
media@sputniknews.com
+74956456601
MIA „Rossiya Segodnya“
Sputnik Беларусь
media@sputniknews.com
+74956456601
MIA „Rossiya Segodnya“
навіны , у беларусі, грамадства, галоўнае, беларусь, свята, указ, кіраўнік дзяржавы
навіны , у беларусі, грамадства, галоўнае, беларусь, свята, указ, кіраўнік дзяржавы
Без дадатковага выхаднога: у Беларусі з'явіцца новае свята
Указ аб заснаванні ў краіне яшчэ аднаго святочнага дня кіраўнік дзяржавы падпісаў у панядзелак.
МІНСК, 7 чэр - Sputnik. Дзень народнага адзінства будзе адзначацца ў Беларусі 17 верасня. Адпаведны ўказ №206 быў падпісаны прэзідэнтам Аляксандрам Лукашэнкам, паведамляе прэс-служба беларускага лідэра.
Дакумент уносіць змяненні ва ўказ №157 ад 26 сакавіка 1998 года "Аб дзяржаўных святах, святочных днях і памятных датах у Рэспубліцы Беларусь".
Дадатковага выхаднога дня ў сувязі з установай свята не прадугледжана.
"Гэты дзень стаў актам гістарычнай справядлівасці ў дачыненні да беларускага народа, падзеленага супраць яго волі ў 1921 годзе па ўмовах Рыжскага мірнага дагавора, і назаўсёды замацаваўся ў нацыянальнай гістарычнай традыцыі", - растлумачылі ў прэс-службе Лукашэнкі.
18 сакавіка 1921 года паміж РСФСР і Украінай з аднаго боку і Польшчай з другога быў падпісаны мірны дагавор, які спыніў савецка-польскую вайну 1920-1921 гадоў. Згодна з дакументам, усходнюю польскую мяжу ссунулі ў бок СССР. Яна стала праходзіць у 30 кіламетрах на ўсход ад Мінска. Пад Польшчай апынулася каля 200 тысяч квадратных кіламетраў, дзе пражывала больш за 4,5 млн жыхароў.
Дэлегацыя Сацыялістычнай Савецкай Рэспублікі Беларусі (ССРБ) на перамовах не прысутнічала, афіцыйна яе інтарэсы прадстаўляла РСФСР. У складзе ССРБ заставалася толькі 6 паветаў былой Мінскай губерні: Бабруйскі, Барысаўскі, Ігуменскі, Мазырскі, часткова Мінскі і Слуцкі. У выніку плошча рэспублікі тады складала толькі 52,4 тыс. км2.
Што адбылося 17 верасня 1939 года
23 жніўня 1939 года ў Маскве паміж СССР і Германіяй быў падпісаны дагавор аб ненападзе. Да дакумента прыкладаўся дадатковы сакрэтны пратакол аб падзеле сфер уплыву паміж Германіяй і Савецкім Саюзам.
Пра змест дакумента стала вядома толькі ў сярэдзіне 1990-х гадоў пасля выяўлення арыгінала ў архівах Палітбюро ЦК КПСС. Паводле дамовы, германскія войскі не павінны былі заходзіць у населеныя пераважна беларусамі і украінцамі ўсходнія рэгіёны Польшчы, а таксама на тэрыторыю Латвіі, Літвы і Эстоніі.
1 верасня 1939 года гітлераўская Германія напала на Польшчу - пачалася Другая сусветная вайна. Праз 15 дзён у частках Чырвонай Арміі зачыталі загад аб выступленні ў вызваленчы паход на захад. 17 верасня 1939 года войскі перайшлі мяжу з Польшчай, пачалося ўз'яднанне ўсходніх і заходніх беларускіх тэрыторый.
Прасоўванне савецкіх войскаў ішло хутка: 18 верасня яны занялі Свянцяны, Ліду, Наваградак, Слонім, Ваўкавыск; 19 верасня - Пружаны і Кобрын.
Некалькі дзён працягвалася бітва за Гродна. Упартае супраціўленне тут аказалі каля 3 тыс. салдат і афіцэраў навучальнага падраздзялення і паліцэйскіх. 20 верасня горад быў узяты. 22 верасня савецкія войскі ўвайшлі ў Брэст-Літоўск і Беласток.
28-30 кастрычніка 1939 года ў Беластоку прайшло пасяджэнне Народнага сходу Заходняй Беларусі. На ім была прынята Дэкларацыя аб абвяшчэнні савецкай улады і уваходжанні Заходняй Беларусі ў склад БССР. 2 лістапада 1939 года пазачарговая V сесія Вярхоўнага Савета СССР першага склікання вырашыла задаволіць просьбу Народнага сходу Заходняй Беларусі і ўключыць яе тэрыторыю ў склад СССР, аб'яднаўшы яе з БССР. На пазачарговай III сесіі Вярхоўнага Савета БССР 14 лістапада 1939 года быў падпісаны закон "Аб прыняцці Заходняй Беларусі ў склад Беларускай Савецкай Сацыялістычнай Рэспублікі".
Тэрыторыя і насельніцтва рэспублікі павялічыліся амаль удвая. На заходнебеларускіх землях, якія ўвайшлі ў склад БССР, былі ўтвораны Баранавіцкая, Беластоцкая, Брэсцкая, Вілейская і Пінская вобласці.
У шмат якіх беларускіх гарадах ёсць вуліцы, названыя ў гонар 17 верасня, а ў Глыбокім такое найменне носіць цэнтральная плошча.
