Пакаранне за забойства міліцыянераў зрабілі больш жорсткім у Беларусі

© Photo : НЦПИКрымінальны кодэкс
Крымінальны кодэкс - Sputnik Беларусь, 1920, 08.06.2021
Падпісацца на
НовостиTelegram
Новым законам, які падпісаў прэзідэнт, таксама ўзмоцнена адказнасць за злачынствы экстрэмісцкай накіраванасці.
МІНСК, 8 чэр – Sputnik. Прэзідэнт Беларусі Аляксандр Лукашэнка падпісаў закон, якім уносяцца змяненні і дапаўненні ў Крымінальны кодэкс, у прыватнасці, узмоцнена адказнасць за забойства супрацоўніка міліцыі, а таксама ўведзена крымінальная адказнасць за забойства вайскоўца.
Закон "Аб змяненні кодэксаў па пытаннях крымінальнай адказнасці" на вясновай сесіі быў прыняты ніжняй платай беларускага парламента і ўхвалены сенатарамі, а пазней апублікаваны на Нацыянальным прававым інтэрнэт-партале.
Цяпер ён падпісаны кіраўніком дзяржавы, асноўныя палажэнні закона ўступаюць у сілу праз 3 месяцы пасля апублікавання.
Дадзеным законам узмацнена жорсткасць пакарання за забойства супрацоўніка міліцыі, змены ўнесены ў раздзел аб крымінальнай адказнасці за злачынствы экстрэмісцкай накіраванасці. Як вынікае з падпісанага закона, у артыкул 362 "Забойства супрацоўніка органаў унутраных спраў" унесены змены - павышаны ніжні парог пакарання за злачынства.
Раней пакаранне за забойства супрацоўніка органаў унутраных спраў у сувязі з выкананнем ім абавязкаў па ахове грамадскага парадку пачыналася ад 10 гадоў пазбаўлення волі, цяпер - ад 12 гадоў.
Акрамя гэтага, у назву артыкула знесена слова "вайсковец". За яго забойства цяпер у Беларусі прадугледжана ад 12 гадоў пазбаўлення волі да смяротнай кары, як і за забойства міліцыянера.
Раман Пратасевіч - Sputnik Беларусь, 1920, 04.06.2021
Пратасевіч прызнаў віну ў закліках да пратэстаў у Беларусі
Акрамя гэтага, стала больш жорсткай адказнасць за гвалт ці пагрозу ў дачыненні да супрацоўнікаў праваахоўных органаў і суддзяў, а таксама супраціўленне супрацоўнікам міліцыі і абразу прадстаўнікоў улады.
Таксама ў пераліку - арганізацыя беспарадкаў, заклікі да правядзення несанкцыянаваных масавых мерапрыемстваў, блакіраванне дарог і ўхіленне ад выплаты падаткаў.

Экстрэмізм і масавыя мерапрыемствы

У законе стала больш мяккай адказнасць па шэрагу артыкулаў КК, некаторыя саставы злачынстваў наогул выключаны з Крымінальнага кодэкса.
Міністр працы і сацыяльнай абароны Беларусі Ірына Касцевіч - Sputnik Беларусь, 1920, 04.05.2021
Радыё
Новы выхадны, удалёнка і не толькі: што абновяць у Працоўным кодэксе
Але, як адзначаецца ў прэамбуле да закона, забяспечана дадатковая ахова канстытуцыйнага ладу краіны. У гэтых мэтах у Крымінальны кодэкс уключаны шэраг новых артыкулаў і новых саставаў злачынстваў. У прыватнасці, прадугледжана адказнасць за экстрэмізм. Уведзена крымінальная адказнасць за ўдзел у экстрэмісцкім фарміраванні і садзейнічанне экстрэмісцкай дзейнасці, праходжанне навучання такой дзейнасці, а таксама за фінансаванне экстрэмізму.
Крымінальная адказнасць пагражае таксама за неаднаразовыя парушэнні парадку правядзення масавых мерапрыемстваў і незаконны збор і распаўсюджванне асабістых дадзеных.
Чытайце таксама:
Стужка навiн
0