Новы пункт рэгістрацыі аўтамабіляў адкрыецца каля МКАД з 6 ліпеня

© Sputnik / Ирина БукасПробка на плошчы Бангалор у Мінску
Пробка на плошчы Бангалор у Мінску - Sputnik Беларусь, 1920, 29.06.2021
Падпісацца
Пункт рэгістрацыі транспарту запрацуе ў вёсцы Вялікае Сціклева ў раёне транспартнай развязкі МКАД - Партызанскі праспект.
МІНСК, 29 чэр - Sputnik. У вёсцы Вялікае Сціклева каля МКАД з 6 ліпеня запрацуе новы пункт рэгістрацыі транспарту, пра гэта ў студыі радыё Sputnik распавёў начальнік ДАІ Мінска Сяргей Бабіч.
Цяпер зняць або паставіць аўтамабіль на ўлік можна будзе яшчэ ў адным пункце - у бізнес-цэнтры на скрыжаванні Партызанскага праспекта і знешняга боку мінскай кальцавой аўтадарогі.
Цяпер у Мінску (і ваколіцах) будзе чатыры рэгістрацыйных падраздзялення ДАІ. Яшчэ тры працуюць у Ждановічах на вул. Ціміразева 114, у аўтацэнтры на вул. Сярова, 1 і аўтарынку "Малінаўка".
Згодна з пастановай Саўміна №747 ад 18 лістапада 2018 гады зняць машыну з уліку з 21 студзеня 2019 года дазваляецца ў любым рэгістрацыйным падраздзяленні ДАІ (па ўсёй краіне). А пры неабходнасці замены рэгістрацыйных знакаў у сувязі з іх стратай або крадзяжом не трэба падаваць аўто на агляд па месцы яго рэгістрацыі. Выдаць новыя могуць па акце агляду, складзеным падраздзяленнем па месцы знаходжання транспартнага сродку, а таксама адпаведнымі органамі іншых дзяржаў.
У вёсцы Вялікае Сціклева таксама можна будзе зняць аўтамабіль з уліку ў спрошчаным парадку з мэтай яго ўтылізацыі. Гэта стала актуальна з увядзеннем транспартнага падатку, які з 1 студзеня 2021 года замяніў дзяржпошліну за ўдзел у дарожным руху.
Чытайце таксама:
Начальнік ДАІ Мінска: нам удалося знізіць колькасць п'яных кіроўцаў
Цэны на аўтамабільнае паліва зноў павышаюцца ў Беларусі
Новы праект аб дарожным руху: што змяняецца для кіроўцаў
Стужка навiн
0