Пуцін распавёў, якой вакцынай прышчапіўся
13:27 30.06.2021 (абноўлена: 21:04 02.07.2021)
© Sputnik / POOL
/ Падпісацца
Сярод велізарнай колькасці пытанняў, якія паступілі на прамую лінію расійскага лідара, былі датычныя вакцынацыі і барацьбы з каронавірусам.
МІНСК, 30 чэр – Sputnik. Прэзідэнт Расіі Уладзімір Пуцін вакцынаваўся ад каронавіруса "Спутник V", заявіў расійскі лідар падчас прамой лініі з грамадзянамі.
Прэзідэнт Расіі таксама выказаўся аб прымусовай вакцынацыі. "Я ў свой час казаў, як вы памятаеце, што я не падтрымліваю абавязковую вакцынацыю. І працягваю прытрымлівацца гэтага ж пункта гледжання", - сказаў Пуцін.
Пуцін адзначыў, што ў лютым, калі ён прывіваўся, у грамадзянскім абароце было дзве вакцыны - "ЭпиВакКорона" Новасібірскага цэнтра "Вектар" і "Спутник V". Ён назваў добрымі абедзве.
"Я сыходзіў з таго, што мне трэба быць абароненым як мага даўжэй і прыняў для сябе рашэнне прышчапіцца "Спутник V", тым больш што Узброеныя сілы ў нас прышчапляюцца "Спутник V ", а я ўсё ж такі вярхоўны галоўнакамандуючы", - адзначыў прэзідэнт .
Самаадчуванне Пуціна пасля прышчэпкі
"Пасля першага ўколу наогул нічога не адчуваў, дзесьці гадзіны праз чатыры адчувалася ў месцы ўколу, невялікая адчувальнасць з'явілася. Пасля другога - я зрабіў у 12 гадзін дня - у 12 гадзін ночы памераў тэмпературу, тэмпература была 37,2. Лёг спаць, прачнуўся - 36,6. Усё", - распавёў прэзідэнт.
Расійскі лідар лічыць, што ў справах эфектыўнасці прышчэпак ад каронавіруса трэба кіравацца не чуткамі, а словамі спецыялістаў. Паводле яго слоў, людзі з яго бліжэйшага акружэння хварэлі на COVID-19 пасля прышчэпкі, але перанеслі яго лёгка.
Вынікі тэста паказалі, што пасля прышчэпкі ў прэзідэнта РФ высокі ўзровень абароны ад COVID-19.
Як пазбегнуць лакдауна
Пуцін лічыць, што прадухіліць пандэмію можна толькі вакцынацыяй, ён выказаў упэўненасць, што прадузятасці датычна прышчэпак у грамадзян будуць праходзіць.
Па словах расійскага лідара, каб пазбегнуць лакдауна, трэба ўводзіць абавязковыя нормы.
"Дзеянні нашых калег у асобных рэгіёнах накіраваны на тое, каб прадухіліць неабходнасць увядзення лакдауна, калі зачыняюцца цэлыя прадпрыемствы. Людзі апынаюцца без працы, без заработнай платы. Каб гэтага не здарылася ў асобных рэгіёнах і па асобных катэгорыях грамадзян уводзяцца абавязковыя нормы, звязаныя з вакцынацыяй", - растлумачыў прэзідэнт РФ.
Ён падкрэсліў, што ўлады шэрага рэгіёнаў РФ увялі абавязковую вакцынацыю ад каронавіруса для асобных катэгорый грамадзян строга ў рамках закона. Пуцін таксама звярнуў увагу на бяспеку расійскіх прэпаратаў ад каронавіруса.
"Цяпер звыш 20 млн, 23 млн, па-мойму, ужо вакцынаваны. Як бачым, усё ў нас у парадку. Дзякуй богу, у нас няма такіх трагічных сітуацый пасля вакцынацыі, як пасля ўжывання там AstraZeneca або Pfizer", - сказаў ён.
Па словах прэзідэнта РФ, улады збіраюцца вылучыць сродкі на стварэнне сістэмы рэабілітацыі для грамадзян, якія перахварэлі на COVID-19.
Амаль два мільёны пытанняў
У рамках падрыхтоўкі праграмы "Прамая лінія з Уладзімірам Пуціным" агульная колькасць пытанняў дасягнула амаль двух мільёнаў. Такую статыстыку прывёў тэлеканал "Россия 24".
Самай папулярнай тэмай прадказальна сталі вакцынацыя і барацьба з каронавірусам. Расійскі лідэр падкрэсліў, што ўлады паспрабуюць зрабіць так, каб ні адно пытанне, якое паступіла на "прамую лінію", не засталося незаўважаным.
Трансляцыю прамой лініі прэзідэнта РФ вядуць тэлеканалы "Первый", "Россия 1", "Россия 24", "НТВ", "ОТР", "Мир", а таксама радыёстанцыі "Маяк", "Вести FM" і "Радио России".
Чытайце таксама:
Уладзімір Пуцін прышчапіўся ад каронавіруса
Пуцін павіншаваў МІА "Россия сегодня" з 80-годдзем
Прэс-канферэнцыя Пуціна на саміце Расія - ЗША ў Жэневе
