Вальфовіч: Беларусь і Расія намецілі план процідзеяння гібрыдным войнам

© Sputnik / Виктор ТолочкоДзяржсакратар Савета бяспекі Беларусі Аляксандр Вальфовіч
Дзяржсакратар Савета бяспекі Беларусі Аляксандр Вальфовіч - Sputnik Беларусь, 1920, 30.06.2021
Падпісацца
Пытанні бяспекі на рэгіянальным і міжнародным узроўні застаюцца ў фокусе ўвагі профільных спецыялістаў дзвюх краін.
МІНСК, 30 чэр - Sputnik. Апараты бяспекі Беларусі і Расіі намецілі план супрацьстаяння гібрыдным войнам, сказаў дзяржаўны сакратар Савета бяспекі Беларусі Аляксандр Вальфовіч пасля кансультацый з расійскімі калегамі, перадае карэспандэнт Sputnik.
Паводле яго слоў, пытанні інфармацыйнай бяспекі і гібрыдныя войны выходзяць на першы план, хоць не варта выключаць і верагоднасць выкарыстання танкаў і гармат.
"Сёння прадпрымаецца спроба перарабіць сусвет і светапогляд у першую чаргу маладога пакалення, якое каля 30 гадоў жыве ў мірнай краіне і не разумее, да чаго гэта можа прывесці", - лічыць Вальфовіч.
"Намечаны сумесны (з Расіяй - Sputnik) план работы па супрацьдзеянні гібрыдным войнам. Сёння ён выпрацаваны нашымі апаратамі саветаў бяспекі, што будзе садзейнічаць забеспячэнню нацыянальнай бяспекі ў нашых краінах", - распавёў ён.
Вальфовіч таксама дадаў, што ў аўторак у Мінску разглядаліся і пытанні супрацоўніцтва ў ваенна-тэхнічнай сферы: былі вызначаны крокі па загрузцы магутнасцей беларускіх прадпрыемстваў ваенна-прамысловага комплексу.
Бакі закранулі тэмы міжнароднай і рэгіянальнай бяспекі, якія звязаны з сучаснымі выклікамі і пагрозамі.
"Кібербяспека, інфармацыйная бяспека, біялагічная бяспека - гэта тыя новыя віды (пагроз), якія сёння выходзяць на першае месца", - асабліва адзначыў Вальфовіч.
Чытайце таксама:
Патрушаў: нашы ацэнкі ў пытаннях бяспекі з Мінскам супадаюць
Беларусь узмацняе ролю Савета бяспекі ў абароне суверэнітэту
Дзяржсакратар Савета бяспекі Беларусі паставіў задачы мытнікам і пагранічнікам
Вальфовіч назваў BYPOL здраднікамі
Стужка навiн
0