"З пластыка на пластык па нумары карты": "МИР" і "Белкарт" запускаюць пераводы

© SputnikБанкаўская карта
Банкаўская карта - Sputnik Беларусь, 1920, 12.07.2021
Падпісацца
Дадатковая магчымасць пераводу грошаў з Расіі ў Беларусь з'явілася ў трымальнікаў карт нацыянальных плацежных сістэм.
МІНСК, 12 ліп – Sputnik. Нацыянальная плацежная сістэма "МИР" запускае трансгранічныя пераводы на карты сістэмы "Белкарт", гаворыцца ў афіцыйным паведамленні расійскай кампаніі.
Аператар нацыянальнай сістэмы плацяжоў у Расіі дадаў магчымасць ажыццяўлення грашовых пераводаў па нумары карты для трымальнікаў беларускага "пластыка".
У цяперашні час дадзеную паслугу сваім кліентам у Расіі гатовы прадаставіць Альфа-банк, банк "Русский стандарт", Сбербанк і "Тинькофф". У Беларусі да прыёму пераводаў з "МИРа" ужо гатовы карты Белаграпрамбанка і Беларусбанка.
"Спіс удзельнікаў плацежных сістэм "МИР" і "Белкарт", якія прадстаўляюць магчымасць пераводаў па нумары карты, будзе пашырацца па меры развіцця праекта", - адзначае расійскі аператар.
"Дзякуючы міжсістэмнай інтэграцыі з "Белкарт" мы можам прапанаваць трымальнікам карт ужо не толькі магчымасць расплачвацца за пакупкі і паслугі і здымаць наяўныя, але і выконваць трансгранічныя пераводы па нумары карты", - адзначыў камерцыйны дырэктар аплатнай сістэмы Дзмітрый Бувін.
Цяпер для ажыццяўлення грашовага пераводу не патрэбны рэквізіты рахунку або іншыя дадатковыя дадзеныя. Правесці аперацыю можна ў дыстанцыйных каналах абслугоўвання банкаў, без наведвання офіса. Сродкі на карту атрымальніка паступаюць на працягу некалькіх хвілін пасля пераводу.
"Беларусь уваходзіць у тройку краін, дзе расіяне часцей за ўсё расплачваюцца "МИРам", - канстатаваў камерцыйны дырэктар аператара.
Чытайце таксама:
Да 5 рублёў за аперацыю: банкі і пошта ўвялі камісіі за плацяжы ў касах
КНДР і востраў Св. Алены: куды адпраўляюць і адкуль атрымліваюць грошы беларусы
Беларусы перавялі за мяжу больш за 61 мільён долараў за апошнія месяцы
Стужка навiн
0