Больш на чвэрць: Мінздароўя апублікавала новую статыстыку захварэлых на COVID-19

© Sputnik / Виктор ТолочкоЛекары ў ахоўных касцюмах на выездзе
Лекары ў ахоўных касцюмах на выездзе - Sputnik Беларусь, 1920, 16.07.2021
Падпісацца
За апошнія суткі ў Беларусі паставілі 1 276 новых дыягназаў "каронавірус". пры гэтым учора іх было 991.
МІНСК, 16 ліп – Sputnik. Ад пачатку пандэміі ў Беларусі былі зарэгістраваны 432 388 пацыентаў са станоўчым тэстам на COVID-19, з іх за апошнія суткі - 1 276 выпадкаў, паведамляе Міністэрства аховы здароўя.
За мінулыя 24 гадзіны быў выпісаны 1 361 чалавек, усяго ад пачатку пандэміі ачунялі 425 907 пацыентаў.
За ўвесь час распаўсюджвання віруса ў Беларусі памерлі 3 306 чалавек з пацверджанай каронавіруснай інфекцыяй, з іх 10 - за апошнія суткі.

Вакцынацыя ў Беларусі

У Беларусі для вакцынацыі цяпер даступны два прэпараты: кітайскі Vero Cell і расійскі "Спутник V". Прышчапіцца можна ў паліклініцы па месцы жыхарства, у гарадскіх бальніцах і ў дадатковых пунктах вакцынацыі, якія адкрыліся з 25 чэрвеня ў гандлёвых цэнтрах і на рынках.

Бязвіз для замежнікаў

Нагадаем, 1 ліпеня прэзідэнт Аляксандр Лукашэнка падпісаў указ, якім увёў бязвізавы рэжым для тых, хто хоча зрабіць прышчэпку ў рэспубліцы ад каронавіруса. Бязвіз пачаў дзейнічаць з 15 ліпеня.
Як паведамляла Міністэрства аховы здароўя, поўны курс вакцынацыі ад СOVID-19 расійскім прэпаратам "Спутник V" абыдзецца замежным грамадзянам у 130-150 беларускіх рублёў (50-60 долараў).
Міністэрства аховы здароўя таксама ўнесла прапанову аб адмене самаізаляцыі па прыездзе з-за мяжы для тых, хто прайшоў поўны курс вакцынацыі і мае пацвярджаючы гэта сертыфікат. Таксама скарацілі каранцін да 7 дзён для тых, хто зрабіў проста ПЦР-тэст. Раней каранцін па вяртанні складаў 10 дзён.
Чытайце таксама:
У Беларусі рэзка змянілі правілы самаізаляцыі па каронавірусе
"Падарожнічаю без COVID-19": пакуль ПЦР-тэсты, але хутка і пашпарты вакцынацыі
Стала вядома, колькі замежнікаў запісалася на платную вакцынацыю ў РБ
СААЗ не выключае штучнае паходжанне каронавіруса
Стужка навiн
0