Яшчэ адзін беларускі плывец выступіць у паўфінале Алімпійскіх гульняў

© Photo : Facebook / International Swimming League Ілля Шымановіч
Ілля Шымановіч - Sputnik Беларусь, 1920, 24.07.2021
Падпісацца
У выніковым пратаколе папярэдняга заплыву на 100 м брасам Ілля Шымановіч размясціўся на дзявятым радку.
МІНСК, 24 ліп – Sputnik. Беларускі плывец Ілля Шымановіч паспяхова пераадолеў папярэднюю стадыю заплываў на дыстанцыі 100 м брасам, перадае Sputnik.
Спартсмен паказаў дзевяты вынік (59.33), чаго аказалася дастаткова, каб прабіцца ў паўфінал. На фінішы Ілля не трапіў у дотык, так што перад наступнай стадыяй спаборніцтваў яму яшчэ ёсць над чым папрацаваць.
Першым фінішаваў брытанец Адам Піці (57.56), другім стаў Арно Камінга з Нідэрландаў (57.80), трэцім - Майкл Эндру з ЗША (58.62).
Раней на дыстанцыі 100 м батэрфляем у ½ фіналу прабілася беларуска Анастасія Шкурдай.
Паўфінальныя заплывы пройдуць 25 ліпеня. У плыўцоў на цяперашняй Алімпіядзе разыгрываецца 37 камплектаў узнагарод (па 18 у мужчын і жанчын плюс адно змяшанае спаборніцтва).
У Токіа ўпершыню будуць разыграны медалі ў плаванні на 800 метраў вольным стылем у мужчын, у плаванні на 1 500 метраў у жанчын і ў змяшанай камбінаванай эстафеце 4×100 метраў.
Беларусь на Гульнях у гэтым відзе спорту прадстаўляюць Ілля Шымановіч, Мікіта Цмыг, Яўген Цуркін, Арцём Мачэкін, а таксама Анастасія Шкурдай, Аліна Змушко, Анастасія Куляшова і Анастасія Каракоўская.
Чытайце таксама:
Анастасія Шкурдай выступіць у паўфінальным заплыве на Гульнях у Токіа
Беларус Ягор Герасімаў выйшаў у 1/16 тэніснага турніру на Алімпійскіх гульнях
Баксёр з Беларусі прабіўся ў 1/8 Алімпіяды ў Токіа, у расіян – першы медаль
Стужка навiн
0