Літва пачала вяртаць нелегальных мігрантаў у Беларусь
15:46 03.08.2021 (абноўлена: 16:54 07.08.2021)
© REUTERS / JANIS LAIZANS
Падпісацца
За мінулую ноч пагранічнікі гэтай краіны разгарнулі некалькі груп нелегалаў. Только 2 жніўня з беларускага боку перасеклі неафіцыйна мяжу 289 мігрантаў, паведамляюць СМІ Літвы.
МІНСК, 3 жні – Sputnik. За мінулую ноч літоўскія пагранічнікі развярнулі некалькі груп нелегалаў, якія перасеклі мяжу з боку Беларусі.
Як паведамляюць літоўскія СМІ, рашэнне аб вяртанні мігрантаў прыняла кіраўнік МУС Літвы Агне Білатайтэ. Паводле яе слоў, трэба зрабіць усё, каб рубяжы краіны не маглі перасякаць нелегалы.
Інфармацыю пра тое, што ноччу 2 жніўня пагранічнікі Літвы разгарнулі групы нелегалаў, пацвердзілі ў службе аховы дзяржаўнай мяжы рэспублікі.
У мясцовай прэсе паведамляецца, што пасільную дапамогу пры вяртанні нелегалаў у Беларусь аказвае і літоўская ваенная паліцыя, таксама працуюць кінолагі з сабакамі.
Міграцыйны крызіс у Літве
Па апошніх дадзеных Службы аховы дзяржмяжы Літвы, з пачатку года ў рэспубліцы на рубяжах з Беларуссю затрымалі больш за 3 800 мігрантаў. Толькі за мінулую нядзелю з беларускага боку перайшлі нелегальна мяжу 289 мігрантаў, паведамляюць літоўскія тэлеканалы. Большасць з іх - грамадзяне Ірака і іншых краін Блізкага Усходу і Афрыкі.
З-за наплыву нелегалаў у краіне аб'яўлена экстрэмальная сітуацыя. Улады будуюць загароду з калючага дроту на мяжы, каб хоць неяк перашкодзіць праходжанню нелегалаў з беларускай тэрыторыі.
У міграцыйным крызісе Вільнюс вінаваціць Мінск. У сваю чаргу, беларускія ўлады ўжо заяўлялі, што спраўляюцца з аховай мяжы ў належнай меры. А прэзідэнт Беларусі Аляксандр Лукашэнка пасля санкцый з-за вымушанай пасадкі самалёта Ryanair заявіў, што цяпер суседзі будуць самі ажыццяўляць кантроль за наркатрафікам і незаконнай міграцыяй на мяжы з рэспублікай. Паводле слоў беларускага прэзідэнта, у Мінска на гэта няма "ні грошаў, ні сіл".
Чытайце таксама:
Еўрасаюз абяцае санкцыі супраць датычных да нелегальнай міграцыі
Дадатковыя сілы Frontex прыбылі ў Літву на мяжу з Беларуссю
"Гуманітарка" ў выглядзе калючага дроту: Украіна вызвалася дапамагчы Літве
Зноў не хопіць? Эстонія падзеліцца з Літвой калючым дротам на плот
Расія здзіўлена заявамі Захаду аб заахвочванні Мінскам нелегальнай міграцыі
Медык распавёў пра стан мігрантаў, якія ўцяклі з Літвы ў Беларусь
У Мінску спакойна паставіліся да будаўніцтва Літвой "калючага плота" на мяжы
Сцяна на мяжы: чаму краіны зачыняюцца ад суседзяў
Лукашэнка не будзе ператвараць Беларусь "у адстойнік" нелегальных мігрантаў
