Фотафакт: падручнік, па якім будуць вучыць духоўнасці і патрыятызму
© Sputnik
Падпісацца
Прадмет неабавязковы, яго пачнуць вывучаць з 5-х класаў і скончаць у 9-х, новы курс арганізуюць ужо з 1 верасня.
МІНСК, 27 жні - Sputnik. Больш за 5,5 тысяч асобнікаў навучальнага дапаможніка "Асновы духоўна-маральнай культуры і патрыятызму" будзе выпушчана да пачатку новага навучальнага года і адпраўлена ў беларускія школы, распавялі ў мультымедыйным прэс-цэнтры Sputnik Беларусь у пятніцу.
Па словах прарэктара па навуковай рабоце Акадэміі паслядыпломнай адукацыі, доктара педагагічных навук, аднаго з распрацоўшчыкаў падручніка Галіны Нікалаенка, гэта ўнікальны дапаможнік.
"У складзе тых, хто збіраў матэрыялы, - сотні настаўнікаў. Дапаможнік рэцэнзавалі многія спецыялісты, якія былі звязаны з праваслаўнай царквой, аж да ўладыкі Веніяміна (мітрапаліт Мінскі і Заслаўскі, Экзарх усяе Беларусі - Sputnik). Ён арыентаваны ў цэлым на хрысціянскія каштоўнасці. Сам факультатыў уводзіцца для ўзмацнення выхаваўчай работы", - патлумачыла Нікалаенка.
Сам падручнік дапоўнены працоўным сшыткам і слоўнікам духоўна-маральных паняццяў і тэрмінаў. Па словах Нікалаенка, у кнізе розныя формы для працы з дзецьмі - і сітуатыўныя задачы маральнага зместу, і QR-коды з аўдыёзапісамі, фільмамі, мультфільмамі і ілюстрацыямі на праваслаўную тэматыку.
Курс будзе арганізаваны для вучняў 5-6-х класаў і працягвацца да 9-х. Кожныя паўгода навучальны дапаможнік будзе мяняцца.
"У 10-м і 11-м класе плануем, каб у хлопцаў і дзяўчат было сацыяльнае ўзаемадзеянне (з царквой - Sputnik) па пытаннях, якія іх хвалююць у гэты перыяд. У гэты перыяд яны пачынаюць рыхтавацца да паступлення, і маральныя зносіны тут асабліва неабходны", - лічыць распрацоўшчык дапаможніка.
Дапаможнікі для факультатыва "Асновы духоўна-маральнай культуры і патрыятызму"
© Sputnik
Усяго плануецца выпусціць 5 500 асобнікаў дапаможніка, зараз Мінадукацыі і Акадэмія паслядыпломнай адукацыі вывучаюць попыт. У выпадку чаго тыраж можа быць пашыраны. Чакаецца, што навучальны дапаможнік будзе бясплатным для вучняў.
Новы факультатыў з'явіцца ў школах Беларусі з 1 верасня, а заняткі будуць весці праваслаўныя святары і педагогі, якія пройдуць курсы павышэння кваліфікацыі.
"Мы павінны памятаць, што ў нас свецкая школа, і гэта не будзе рэлігійны курс. Гэта факультатыў, які будзе выкарыстоўваць патэнцыял духоўна-маральнай рэлігіі, і курс добраахвотны. Гэта таксама вельмі важна", - рэзюмавала Галіна Нікалаенка.
Чытайце таксама:
Сасіска ў цесце па QR-коду: харчаванне ў школах па-новаму
Не ўрок, а факультатыў: у школах ўсё ж з'явяцца святары
Карпенка распавёў, калі з'явіцца нацыянальны экзамен у школах
