Новы вельмі небяспечны штам каронавіруса выявілі ў ПАР

© Sputnik / Рамиль Ситдиков / Перайсці ў медыябанкПраца ў лабараторыі
Праца ў лабараторыі - Sputnik Беларусь, 1920, 01.09.2021
Падпісацца
Навукоўцы прыйшлі да высновы, што новы штам можа быць вельмі агрэсіўным і пры гэтым менш адчувальным да дзеяння вакцын.
МІНСК, 1 вер – Sputnik. Навукоўцы з ПАР выявілі новы штам каронавіруса, які распаўсюджваецца з вялікай хуткасцю, падобнай з хуткасцю распаўсюджвання штамаў "бэта" і "дэльта", а таксама мае павышаную ступень мутацыі.
Як паведамляюць мясцовыя СМІ, спецыялісты паўднёваафрыканскага Нацыянальнага інстытута інфекцыйных захворванняў прыйшлі да высновы, што новы штам валодае павышанай агрэсіўнасцю і пры гэтым мае больш высокую ўстойлівасць да вакцын.
Спецыялісты ўжо назвалі новы штам C.1.2. Упершыню яго выявілі ў траўні, ён уяўляе сабой мутацыю штама C.1.
Апошнія даследаванні паказваюць, што С.1.2 ужо выйшаў за межы ПАР, пранік у Дэмакратычную Рэспубліку Конга, Кітай, Новую Зеландыю, Вялікабрытанію, Партугалію, Швейцарыю і на Маўрыкій.
Раней брытанскія даследчыкі прыйшлі да высновы, што пацыенты, заражаныя штамам "дэльта", маюць патрэбу ў шпіталізацыі ў два разы часцей, чым пры інфікаванні альфа-штамам, таксама вядомым як брытанскі штам SARS-CoV-2.
Яшчэ адной асаблівасцю, якую заўважылі спецыялісты, з'яўляецца і тое, што пераважная большасць шпіталізаваных пацыентаў з абодвума штамамі віруса, так ці інакш, не былі прышчэплены ад каронавіруса або былі прышчэплены толькі адной дозай вакцыны.

Новыя штамы каронавіруса

Каронавірус працягвае актыўна муціраваць, таму варта чакаць з'яўлення новых асабліва небяспечных яго варыянтаў у дадатак да ўжо цяпер выяўленых чатырох штамаў "павышанай небяспекі" - "альфа", "бэта", "гама" і "дэльта", паведаміў раней гендырэктар Сусветнай арганізацыі аховы здароўя.
"СААЗ папярэджвала, што вірус, які выклікае захворванне на COVID-19, відазмяняўся з моманту першых паведамленняў пра яго, і ён працягвае змяняцца. Такім чынам паўсталі чатыры варыянты, якія выклікаюць занепакоенасць, і будзе з'яўляцца яшчэ больш, пакуль вірус працягвае распаўсюджвацца", - сказаў кіраўнік арганізацыі Тэдрас Адханам Гебрэйесус.

Планы па вакцынацыі

У СААЗ таксама пакуль не змяняюць план па вакцынацыі насельніцтва планеты. Да канца верасня павінна быць вакцынавана не менш за 10% насельніцтва ў кожнай краіне свету, да канца 2021 года - не менш за 40%, а да сярэдзіны 2022 года - мінімум 70%.
Па дадзеных СААЗ, пакуль каля паловы краін вакцынавалі не менш за 10% насельніцтва.
Усяго ў свеце зроблена і пастаўлена амаль пяць мільярдаў доз вакцын супраць каронавіруса. Тры чвэрці прэпаратаў апынуліся ў распараджэнні ўсяго дзесяці краін. У той жа самы час на Афрыку прыпадае толькі 2% глабальнай колькасці прышчэпак.
Чытайце таксама:
Кіраўнік СААЗ выказаўся пра ўзровень смяротнасці з-за "дэльта"-штама каронавіруса
Што ратуе ад смерці пры заражэнні індыйскім штамам каронавіруса?
СААЗ стварае новую групу для высвятлення паходжання COVID-19
Эфектыўнасць вакцыны Pfizer пры дэльта-штаме апынулася 42%, Moderna - 76%
СААЗ ацаніла небяспеку йота-штама каронавіруса
СААЗ не выключае штучнае паходжанне каронавіруса
Новая мутацыя каронавіруса – "лямбда"-штам: што пра яе вядома?
Піневіч: індыйскі штам каронавіруса будзе развівацца ў Беларусі
Стужка навiн
0