Менш чым за гадзіну: Сабаленка выйшла ў трэці круг US Open

© REUTERS / Geoff BurkeАрына Сабаленка
Арына Сабаленка - Sputnik Беларусь, 1920, 02.09.2021
Тэнісістка Беларусі, пасеяная пад другім нумарам, адолела славенку Тамару Зіданшак.
МІНСК, 2 вер – Sputnik. Беларуская тэнісістка Арына Сабаленка перамагла ў другім крузе Адкрытага чэмпіянату ЗША па тэнісе, які праходзіць у Нью-Йорку.
Сабаленка, пасеяная пад другім нумарам, адолела славенку Тамару Зіданшак. Спартсменкі правялі на корце 59 хвілін і завяршылі матч з лікам 6:3, 6:1.
Наступнай саперніцай беларускі ў 1/16 фіналу на US Open стане прадстаўніца ЗША Даніэль Колінз (26-ы нумар), якая раней абыграла славенку Кайю Юван з лікам 6:4, 6:2.
Нагадаем, што яшчэ адна беларуская тэнісістка Вікторыя Азаранка таксама паспяхова абмінула другі круг, перамогшы прадстаўніцу Італіі Язмін Пааліні. У 1/16 фіналу яна згуляе з іспанкай Гарбін’е Мугурусай.
Раней з турніру выбыла беларуска Аляксандра Сасновіч - яна прайграла на старце прадстаўніцы Казахстана Алене Рыбакінай. Таксама пакінуў US Open і Ягор Герасімаў - яго сустрэча з палякам Хубертам Гуркачом завяршылася з лікам 3:6, 4:6, 3:6 не на карысць беларуса.
Аднак барацьбу прадоўжыць іншы прадстаўнік Беларусі - Ілля Івашка. Раней у 1/64 ён перамог амерыканца Тэніса Сандгрэна з лікам 7:6 (7:3), 6:3, 6:4. Наступным сапернікам Івашкі стане прадстаўнік Канады Вашэк Паспішыл.
Прызавы фонд Адкрытага чэмпіянату ЗША па тэнісе складае 57,2 мільёна долараў, завершыцца турнір 12 верасня.
У гэтым годзе арганізатары вырашылі адкрыць трыбуны для гледачоў, у 2020-м доступу для фанатаў не было з-за пандэміі.
Чытайце таксама:
Сабаленка і Азаранка выйшлі ў другі раўнд US Open
Івашка ўпершыню ў кар'еры выйграў турнір ATP
Сабаленка ўпершыню ў кар'еры стала другой ракеткай свету
Сабаленка папрасіла прабачэнне за свае паводзіны ў матчы з Плішкавай у Манрэалі
Стужка навiн
0
Спачатку новыяСпачатку старыя
loader
У эфіры
Заголовок открываемого материала