Залежыць ад узросту і не толькі: колькі будуць каштаваць абеды ў школах
© Sputnik / Павел Лисицын
/ Падпісацца
Ужо распрацаваны і зацверджаны прыкладныя рацыёны харчавання навучэнцаў, якія залежаць ад сезоннасці і віду навучальнай установы.
МІНСК, 3 вер – Sputnik. Абеды ў школах Беларусі будуць каштаваць для вучняў ад 1,3 рубля, паведаміла ў чацвер на прэс-канферэнцыі начальнік аддзела па арганізацыі харчавання Нацыянальнага інстытута адукацыі Мінадукацыі Люцыя Міхальчук.
Паводле яе слоў, ужо распрацаваны і зацверджаны прыкладныя рацыёны харчавання навучэнцаў, якія залежаць ад сезоннасці і віду навучальнай установы.
Міхальчук распавяла, што цана залежыць ад узросту дзяцей, часу іх знаходжання ва ўстанове і кратнасці ўжывання ежы.
Так, калі ўстанова адукацыя гатуе ежу сама (без прыцягнення іншых арганізацый), абед будзе каштаваць ад 1,31 да 1,59 рубля.
Калі ж для таго, каб прыгатаваць ежу, прыцягнуць іншыя прадпрыемствы, напрыклад Камбінат школьнага харчавання, да бюджэтнага кошту дададуць павышаны каэфіцыент - абед будзе каштаваць ад 1,7 да 2,07 рубля.
У дзіцячых садках кошт харчавання залежыць, перш за ўсё, ад рэжыму работы ўстановы і ўзросту дзяцей: ад 2,75 да 5,38 рубля.
"Гэта для аднаразовага харчавання. Ёсць таксама кошт для двухразовага і трохразовага харчавання. Там таксама свае нарматывы", - сказала Міхальчук.
Чытайце таксама:
Сасіска ў цесце па QR-коду: харчаванне ў школах па-новаму
Лукашэнка на адкрыцці школы: Беларусь настройваецца на новы працоўны рытм
"Дубовасць у гэтай справе недапушчальная": якія ваенрукі патрэбны ў школах
Графік школьных канікул на 2021-2022 год
У МУС патлумачылі, навошта ў школах паставілі турнікеты
Бацькам на заметку: плата за школьныя падручнікі падрасла
Не ўрок, а факультатыў: у школах ўсё ж з'явяцца святары
Лукашэнка анансаваў перазагрузку сістэмы адукацыі
