"Заўсёды будзем памятаць": мінскае "Дынама" ўшанавала памяць "Лакаматыва"

© Photo : ХК "Динамо" (Минск)Мінскае "Дынама" ўсклала кветкі да мемарыяла "Хакейнае братэрства"
Мінскае Дынама ўсклала кветкі да мемарыяла Хакейнае братэрства - Sputnik Беларусь, 1920, 07.09.2021
Хакейная каманда загінула ў выніку авіякатастрофы 10 гадоў таму, на борце самалёта таксама знаходзіліся трое беларусаў: абаронца Руслан Салей, форвард Сяргей Астапчук і трэнер па фізпадрыхтоўцы Мікалай Крываносаў.
МІНСК, 7 вер- Sputnik. Хакеісты мінскага "Дынама" ўсклалі кветкі да мемарыяла "Хакейнае братэрства" у Яраслаўлі, ушанаваўшы памяць каманды "Лакаматыў", якая разбілася 7 верасня 2011 года, паведаміла прэс-служба "зуброў".
"Заўсёды будзем памятаць 7 верасня 2011 года. Пасля ранішняй раскаткі хакеісты, трэнеры і адміністратары "Дынама" ўсклалі кветкі да мемарыяла "Хакейнае братэрства" у памяць аб загінулых у катастрофе 7 верасня 2011 года гульцах і трэнерах яраслаўскага "Лакаматыва", - гаворыцца ў паведамленні.
© Photo : ХК "Динамо" (Минск)Мемарыял "Хакейнае братэрства" ў Яраслаўлі
Мемориал Хоккейное братство в Ярославле - Sputnik Беларусь, 1920, 07.09.2021
Мемарыял "Хакейнае братэрства" ў Яраслаўлі
У аўторак "зубры" згуляюць у гасцях з "Лакаматывам" другі матч чэмпіянату КХЛ. У памяць аб дзесяцігадовай трагедыі "Дынама" выйдзе на сустрэчу ў рэтра-джэрсі.

Трагедыя з самалётам

"Лакаматыў" 7 верасня 2011 года ляцеў у Мінск на гульню чацвёртага сезона КХЛ з мінскім "Дынама". Самалёт разбіўся пры ўзлёце з аэрапорта "Туношна" пад Яраслаўлем.
На яго борце знаходзіліся 45 чалавек: 37 пасажыраў і 8 членаў экіпажа. 43 чалавекі загінулі на месцы, хакеіст Аляксандр Галімаў пазней памёр у бальніцы. Выжыў толькі бортінжынер Аляксандр Сізоў.
Сярод загінулых былі трое беларусаў: капітан нацыянальнай зборнай Беларусі, абаронца Руслан Салей, для якога гэта быў першы сезон у "Лакаматыве", 21-гадовы форвард Сяргей Астапчук і трэнер па фізпадрыхтоўцы Мікалай Крываносаў.
© Sputnik / Виктор ТолочкоСцяна памяці хакеістаў "Лакаматыва", якія загінулі ў авіякатастрофе 10 гадоў таму
Стена памяти хоккеистов Локомотива, погибших в авиакатастрофе 10 лет назад - Sputnik Беларусь, 1920, 07.09.2021
Сцяна памяці хакеістаў "Лакаматыва", якія загінулі ў авіякатастрофе 10 гадоў таму
Сёння сцяна памяці хакеістаў "Лакаматыва", якія загінулі ў авіякатастрофе 10 гадоў таму, з'явілася і ў Мінску.
Руслан Салей - Sputnik Беларусь, 1920, 07.09.2016
Жонка Руслана Салея: малодшая дачка – копія бацькі
Стужка навiн
0
Спачатку новыяСпачатку старыя
loader
У эфіры
Заголовок открываемого материала