Кіраўнік НАК: спартыўная галіна павінна адпавядаць укладзеным грошам

© Sputnik / Виктор ТолочкоВиктор Лукашенко
Виктор Лукашенко - Sputnik Беларусь, 1920, 28.09.2021
Падпісацца
Вынікі Алімпіяды і Паралімпіяды ў Токіа падвялі ў аўторак на сумесным пасяджэнні НАК Беларусі і Мінспорту і турызму.
МІНСК, 28 вер - Sputnik. Спартыўная галіна ў Беларусі павінна адпавядаць укладзеным дзяржавай грошам, заявіў прэзідэнт НАК Беларусі Віктар Лукашэнка.
"Аддача спартыўнай галіны павінна адпавядаць укладзеным дзяржавай сродкам. Неабходна таксама сур'ёзна прааналізаваць склад кіруючых кадраў арганізацый фізічнай культуры і спорту і ацаніць вынікі іх дзейнасці", - цытуе Лукашэнку БелТА.
Па словах прэзідэнта НАК, самая галоўная задача на бліжэйшую будучыню - працаваць і паказаць вынікі на Алімпіядзе ў Парыжы. У той жа час, як расказаў Лукашэнка, спартсменаў і трэнераў працягнуць падтрымліваць фінансава. Дарэчы, памер фіндапамогі будзе залежаць ад вынікаў і ўзнагарод.
На Гульнях-2020 у Токіа беларускія атлеты выйгралі сем узнагарод (1 золата, 3 сярэбраныя і 3 бронзавыя). У медальным заліку Беларусь заняла 45 месца. Гэта горшы вынік беларускай каманды за ўсю гісторыю выступленняў на Алімпійскіх гульнях.
Дарэчы, міністр спорту і турызму Сяргей Кавальчук раней адзначаў, што патэнцыял зборнай у Токіа быў значна вышэй выніку, якога ўдалося дасягнуць. У прыватнасці, медалёў павінна было быць у два разы больш.
Тым не менш, кіраўнік спартыўнай галіны не загадываў на Гульні ў Парыжы-2024.
Кавальчук падкрэсліў, што за тры гады прыкладуць "усе сілы, каб зрабіць правільную і эфектыўную працу над памылкамі".
Чытайце таксама:
Лукашэнка перасцярог ад правалу на Алімпіядзе ў Парыжы
Як стаць алімпійскім чэмпіёнам? Сакрэты ад трэнера ўладальнікаў золата
Ад 22 да 7 медалёў: хроніка выступленняў беларусаў на летніх Алімпіядах
Стужка навiн
0