Развітанне з загінулым супрацоўнікам КДБ прайшло у Мінску
10:32 01.10.2021 (абноўлена: 14:36 01.10.2021)
© Sputnik / Виктор Толочко
Падпісацца
Афіцэр быў застрэлены падчас спецаперацыі групы "Альфа" па затрыманні мужчыны, які падазраецца ў тэрарыстычнай дзейнасці.
МІНСК, 1 кас – Sputnik. У сталіцы адбылася цырымонія развітання з афіцэрам Камітэта дзяржбяспекі, які загінуў 28 верасня.
Месца правядзення для жалобнай цырымоніі - клуб імя Дзяржынскага ў комплексе будынкаў КДБ. Ушанаваць памяць афіцэра прыйшлі яго родныя і блізкія, а таксама калегі.
На цырымонію развітання выстраілася чарга
© Sputnik / Виктор Толочко
На цырымонію развітання з байцом КДБ прыехала кіраўнік Савета Рэспублікі Наталля Качанава і кіраўнік Адміністрацыі прэзідэнта Рэспублікі Беларусь Ігар Сяргеенка (раней ён займаў пасаду першага намесніка КДБ Беларусі), а таксама дзяржаўны сакратар Савета бяспекі Аляксандр Вальфовіч.
Трагічны дзень
"Сёння трагічны дзень - загінуў афіцэр Камітэта дзяржаўнай бяспекі, малады хлопец толькі, пачанаючы жыць. Пачанаючы кахаць, расці далей", - сказаў на цырымоніі Ігар Сяргеенка.
Цырымонія развітання праходзіць з удзелам роты ганаровай варты
© Sputnik / Виктор Толочко
Паводле яго слоў, сёння ўсе прысутныя смуткуюць разам з роднымі і блізкімі: "Я выказваю шчырыя спачуванні бацькам, усім тым людзям, якія былі побач з Дзімам, якія выконвалі, як і ён баявую задачу".
"Цяжка губляць у мірны час, у мірнай краіне, людзей, якія гінуць за краіну, якія гінуць за нашу будучыню: за стабільнасць, за ўпэўненасць у сённяшнім дні", - сказаў кіраўнік адміністрацыі прэзідэнта.
"Я хачу ў гэты цяжкі дзень сказаць, што тыя, якія спрабуюць развязаць вайну рознымі спосабамі: тэрарыстычнымі, экстрэмісцкімі, кожнаму будзе дадзена ацэнка. Кожны атрымае па заслугах", - паабяцаў высокапастаўлены чыноўнік.
Ігар Сяргеенка запэўніў, што ён не палохае, а проста кажа пра тое, што так павінна быць: "Подласць, злачыннасць - павінна быць пакарана. А сёння мы смуткуем разам з сям'ёй, разам з усімі людзьмі".
Хаваць дзіцяці - самае страшнае
На развітанні з загінулым афіцэрам кіраўнік Савета Рэспублікі Наталля Качанава з цяжкасцю стрымлівала эмоцыі, заявіўшы, што падобныя пачуцці цяпер адчуваюць ўсе жанчыны, усе маці наша краіны.
"Хаваць дзіцяці - самае страшнае, што можа быць. Гэты малады чалавек толькі ўступіў у жыццё, але ён быў сапраўдным героем нашай краіны, ён патрыёт нашай краіны. Ён рабіў усё, каб абараніць мір і спакой у нашых сем'ях, мы смуткуем разам з роднымі і блізкімі", - сказала Качанава.
Паводле яе слоў, у мірны час краіна не павінна губляць такіх маладых людзей, таму неабыякавыя беларусы павінны зрабіць усё, каб захаваць мір у рэспубліцы.
"Мы павінны аб'яднацца, усе людзі добрай волі. Сёння ў нас ёсць мір, спакой. Чаму мы губляем людзей? Мы не маем права гэта дапусціць. Мы павінны ўсе разам сказаць гэтаму "не", мы павінны зрабіць усё, што ад нас залежыць, ад кожнага жыхара нашай краіны, каб не дапусціць гэтага", - сказала Качанава.
Кіраўнік Савета Рэспублікі дадала, што Беларусь ганарыцца такімі маладымі людзьмі - добрым пакаленнем, якое любіць сваю краіну.
"І нізкі паклон тым бацькам, якія выхавалі і выгадавалі такога выдатнага патрыёта сваёй краіны. Усё скончана, вечная памяць аб ім захаваецца назаўжды ў нашых сэрцах", - дадала Качанава.
Афіцэру аддаюць воінскія ўшанаванні, каля труны выстаўлена ганаровая варта. Вайскоўцы РПК, змяняючы адзін аднаго, нясуць вахту са зброяй у руках. Чарга да клуба імя Дзяржынскага расцягнулася на сотні метраў.
Адзін з ветэранаў групы "Альфа" сказаў карэспандэнту Sputnik, што гэтае здарэнне - вялікая трагедыя: "Амаль трыццаць гадоў не было страт (у "Альфе" - Sputnik)... Вялікая трагедыя, занадта балюча казаць, прабачце".
Ветэран спецназа, былы камандзір в/ч 3214 Дзмітрый Паўлючэнка сказаў, што праца байцоў падраздзяленняў спецыяльнага прызначэння любога ведамства - гэта заўсёды праца гераічная.
"Не ведаеш, што цябе чакае за дзвярыма, за вуглом, за нейкай іншай перашкодай. Ідучы на службу ў такое падраздзяленне, чалавек ужо здзяйсняе ўчынак, ужо здзяйсняе подзвіг, разумеючы, што ў нашым жыцці яшчэ хапае злачынстваў, актаў тэрарызму, экстрэмізму, і што ён будзе на першай лініі барацьбы, падвяргаць сваё жыццё небяспецы", - сказаў Паўлючэнка.
Дзеянні загінулага Дзмітрыя Федасюка ветэран ацаніў як дасведчаныя: "Ён прадухіліў яшчэ больш страшнае гора. Тая асобіна была гатовая на ўсё. Можа, калі б гэта не адбылося, ён (Андрэй Зельцэр - Sputnik) пачаў бы страляць па грамадзянскіх людзях".
Паўлючэнка падкрэсліў, што гэтая трагедыя яшчэ больш з'яднала спецназаўцаў, якія будуць зараз "дзейнічаць яшчэ больш жорстка і рэзка".
Апоўдні да клуба імя Дзяржынскага, дзе праходзіць цырымонія развітання з загінулым афіцэрам КДБ, прыбыў ваенны аркестр.
Труну вынеслі супрацоўнікі "Альфы", за імі ішлі сваякі, сябры і блізкія загінулага. Труну да катафалка суправаджала рота ганаровай варты. Наперадзе няслі ўзнагароды афіцэра.
Труну з целам Дзмітрыя "Нірваны" Федасюка павезлі на адпяванне ва Усіхсвяцкую царкву. Пасля гэтага байца падраздзялення "Альфа" пахаваюць на "Усходніх" могілках у Мінску.
Трагічны інцыдэнт
У аўторак 28 верасня байцы групы "Альфа" праводзілі спецаперацыю па выяўленні людзей, якія маглі быць датычны да тэрарыстычнай і экстрэмісцкай дзейнасці.
У выніку стральбы, якую адкрыў жыхар кватэры на вуліцы Якубоўскага Андрэй Зельцэр, быў смяротна паранены супрацоўнік Камітэта дзяржаўнай бяспекі з пазыўным "Нірвана" Дзмітрый Федасюк.
Агнём у адказ падазраваны быў ліквідаваны.
Чытайце таксама:
Карпянкоў: калі не ўбачым паднятых рук, вораг будзе знішчаны
Гібель афіцэра КДБ у Мінску: Гаспаран аб правакатарах трагедыі
Адкажаце перад законам: Сяргеенка пракаменціраваў забойства афіцэра КДБ
Як выглядае мемарыял загінуламу супрацоўніку КДБ - відэа
"Усе ў шоку!" Пабывалі на месцы перастрэлкі, дзе загінуў супрацоўнік КДБ
Швед абяцае жорсткія і рашучыя дзеянні ў адказ на гібель супрацоўніка КДБ
Лукашэнка даручыў аказаць падтрымку сям'і загінулага супрацоўніка КДБ
"Гэта не падобна на Беларусь": сенатар Рачкоў аб гібелі супрацоўніка КДБ
Супрацоўнік КДБ застрэлены ў Мінску
Загінулі пры выкананні: гучныя выпадкі забойстваў сілавікоў у Беларусі
