Сцягі Беларусі і Расіі - Sputnik Беларусь, 1920, 06.07.2021
Саюзная дзяржава Беларусі і Расіі
Як сёння развіваецца Саюзная дзяржава? Якія рашэнні прымаюцца для паляпшэння жыцця грамадзян Беларусі і Расіі? Апошнія навіны аб супрацоўніцтве Мінска і Масквы чытайце ў матэрыялах Sputnik.

Шайгу: на вучэннях "Захад-2021" упершыню выкарыстоўвалі ўдарных робатаў

© Министерство обороны РФУдарны рабатызаваны комплекс (РТК) "Уран-9"
Ударны рабатызаваны комплекс (РТК) Уран-9 - Sputnik Беларусь, 1920, 06.10.2021
На палігоне Муліна таксама ўпершыню былі задзейнічаны робаты разведкі і агнявой падтрымкі "Уран-9" і "Нерехта".
МІНСК, 6 кас – Sputnik. На вучэнні "Захад-2021" некаторыя ўзоры ўзбраенняў выкарыстоўваліся ўпершыню, заявіў міністр абароны РФ Сяргей Шайгу.
Кіраўнік Мінабароны Расіі ў сераду падвёў вынікі сумесных манеўраў Беларусі і Расіі. Паводле яго слоў, у аснову вучэння была пакладзена адпрацоўка "новых форм і спосабаў вядзення баявых дзеянняў з улікам асаблівасцей сучасных лакальных войнаў і ўзброеных канфліктаў". Шайгу адзначыў, што вайскоўцам атрымалася многае апрабаваць на практыцы.
Міністр абароны РФ распавёў, што на вучэннях упершыню прайшло масавае начное дэсантаванне, пры гэтым яно адбылося пры неспрыяльных умовах надвор'я.
"21 самалёт Іл-76МД ваенна-транспартнай авіяцыі зрабіў выкід больш за 30 адзінак баявых машын дэсанта новага пакалення", - адзначыў Шайгу.
Ваенныя тапографы выпрабавалі магчымасці ўніфікаванай праграмнай сістэмы "Калейдоскоп", якая дазволіла стварыць 3D-малюнак віртуальнай баявой прасторы, "тым самым больш дакладна ацаніць становішча і ў разы скараціць час прыняцця рашэнняў камандаваннем", дадаў кіраўнік Мінабароны.
У ваенных вучэннях таксама актыўна выкарыстоўваліся беспілотнікі - для эфектыўнай карэкціроўкі агню, а таксама ў інтарэсах разведвальных падраздзяленняў.
"Паспяхова адпрацавана дыстанцыйнае вывядзенне са строю так званай "чарады" ударных беспілотных лятальных апаратаў умоўнага праціўніка", - расказаў міністр.
Па словах кіраўніка ведамства, упершыню былі таксама ўжыты ўдарныя робататэхнічныя комплексы "Платформа-М". На палігонах пад Калінінградам "дыстанцыйна кіраваныя робаты на гусенічным шасі паказалі высокія вынікі пры выкананні задач па знішчэнні жывой сілы ўмоўнага праціўніка ў гарадскіх умовах".

"Акрамя гэтага, на палігоне Муліна (Ніжагародская вобласць - Sputnik) у баявых парадках агульнавайсковых падраздзяленняў упершыню выкарыстоўваліся робаты разведкі і агнявой падтрымкі "Уран-9" і "Нерехта", - падкрэсліў Шайгу.

"Захад-2021"

Вучэнне "Захад-2021" праходзіла з 10 па 16 верасня на дзевяці палігонах у Расіі і на пяці - у Беларусі. З беларускага боку было задзейнічана амаль 13 тысяч вайскоўцаў. У манеўрах удзельнічалі каля 350 адзінак ваеннай тэхнікі, з іх 140 танкаў, каля 110 артылерыйскіх адзінак і РСЗА, а таксама 30 самалётаў і верталётаў.
У вучэннях на расійскай тэрыторыі ўдзельнічалі каля 200 тысяч чалавек, звыш 80 самалётаў і верталётаў, да 760 адзінак баявой тэхнікі - звыш 290 танкаў, больш за 240 гармат, рэактыўных сістэм залпавага агню і мінамётаў, а таксама да 15 караблёў.
Чытайце таксама:
Лукашэнка: пры знешняй агрэсіі Беларусь ператворыцца ў "адзіную ваенную базу" з Расіяй
Пуцін і Лукашэнка абмеркавалі вынікі сумесных вучэнняў "Захад-2021"
Расійскія ваенныя выпрабавалі гіпергукавую ракету "Циркон" з падлодкі
Ваенныя з трох краін дэсантаваліся ноччу пад Брэстам
"Смерч" і "Паланэз" выканалі баявыя пускі на далёкасць ад 40 да 100 км
Стужка навiн
0
Спачатку новыяСпачатку старыя
loader
У эфіры
Заголовок открываемого материала